Nekita soumèt tèks sa, jou 14 Janvye 2003 a 18:06:

Map di Bonn Ane a tout zanmi fowom nan. M gen kek tan m pa antre lan fowom nan menm avan li te pran on kanpo.Jan Guy di "Ti poulet yo pase, yo ponn on ze,apre yo ale. Se pa fot mwen.
M ap li komantE Guy yo sou esperyans pEsonel. M renmen apwoch sa a. M dakO ak Guy,esperyans pEsonel ankadre listwa. M wE li ta enteresan sitou pou moun ki lan diaspora pou ta esprime esperyans yo. Ma p komanse a mwenmenm.
M ta di de twa mo sou esperyans mwen etan on moun kap viv lan diaspora( Boston) depi preske 30 an. Li pozitif lan on sans m rankontre anpil zanmi. M aprann ni fomelman( lan lekol) ni enfolman lan men moun m pran kontak avE yo.M aprann anpil lot kliti ki diferan ak kilti ayisyen an.
L E m ap suiv kominote a , m wE anpil pwogrE endividyEl.Gen on bon kantite pwofesyonel. Gen anpil moun ki achte kay. Gen radio,televizyon,business. Gen rapO ant Ayiti ak kominote Ayisyen lan Boston.
Malgre tout bagay pozitif sa yo, m pa santi kontinyete, relasyon, rapO,kominikasyon ant diferan jenerasyon yo.Le pitit mwen an te di m" Manmi,Sa na p kite pou jenerasyon k ap vini a, m pat konnen sa pou m ta reponn li.Lan peyi isit yo gade a tout ansanm.Sa yo rele an angle "The big picture"
M pa santi Boston se kouwE Miami. LE ou gade globalman ou santi gen on kominote solidE; gen kominikasyon; gen rapO ant diferan gwoup moun yo, pwofesyonel, legliz, ouvriye,elatriye, menm si gen ti mezantant.

Lan Boston, janm wEl la se chak endividi ki gen on fyEte yo se on gwo manm lan kominote a. Yo parEt. Yo wE yo kOm "lidE" lan ti gwoup yo ye a. Lo mo angle a , sa ka p pase Boston nan se sa ameriken nwa rele"Head Negro In Charge"(HNIC). Chak ti neg se on chef. Men ou pa santi kote leadership la ye, kote li prale, kote kontinyete a ye.

M panse akoz de mank de koyezyon sa a,jenn nan pa gen model devan li. Ayisyen ki pou ta model lan kominote a, gen degoutans. Gen anpil pwofesyonel se vre. Men yo kenbe distans yo ak kominote a. Sa ki rann ti jenn ka p leve a pa vreman gen moun li ka gade de pre devan l, pou l ta di "m ta renmen kouwE entel." M kwE se younn lan rezon chif ti ayisyen ap ogmante lan prizon. Anpil yo ateri Ayiti lE yo fin sEvi santans yo.
On lot aspE tou. M santi m aprann lan ayisyen an on aspE lan ayisyen ke moun an Ayiti ka konprann, men pa p viv. Se konpleks denforiete a pa rapo a etranje a. Ayisyen kap pa pale ayisyen mal ak etranje, menm si moun nan pa kanmarad etranje a lan kelkeswa nivo a.

Se opinyon pam dapre sa m obsEve. M ta renmen tande on lOt.
Nekita