An repons a: Kesyon Tizo mande Manzè Zili yo Guy S. Antoine te ekri a,
Manzè Zili afiche mesaj sa, jou 07 Jwen 2002 a 14:42:37:
Kilti atistik ki soti nan VODOU aa. MIZIK (RAM, Boukman Ekspéryans…tout gwoup rasin yo);
b. PENTI : gade siksè Mouvman SAINT SOLEIL Jean Claude Garoute alias Tiga a genyen ( Gade sa André Malraux, gran kritik art, te di sou yo ), tout lò gran pent kòm Hipolite ….Tout sa yo re “peinture naive” ayisyen; motif atistik Fè fòje Kwedèboukè yo pran esnpirasyon nan VODOU.
c. DANS, KOREGRAFI (gade siksè Tam tam & percussion ak Pierre Cheriza genyen dans le monde, yo fèk sot egzekite yon Cho Tokyo…)
d. SINEMA, film sou Zonbi yo te nan premye jenerasyon film d’horreur nou wè yo. Menm si se prejije militè ameriken sou Lokipasyon te genyen sou relijyon peyizan Ayisyen ki te alimante fantasm blan eropeen e ki nouri imajinè (rasis) yon pil lòt.
e. Nan LITERATI : si gen moun ki ap ekri roman ak nouvèl kounye la, nou konn resèt la. Nou gen yon bon dekò vaudou pou intrig ak senaryo nou. Nan literati ayisyen an nou jwenn Oswald Durand, A. Inoccent (Mimola), J. Price Mars...jouk rive René Depestre (Le Mat de Cocagne, Hadriana dans tous mes reves...) tout otè sa yo trete yon fason ou yon lòt vodou a tankou eleman kiltirèl ayisyen.
f. KANAVAL : di mwen kote tout mask, koulè, pèkisyon sa yo soti si se pa nan imajinè VODOU. Si ou pa kwèm, fè yon ti kout je gade Kanaval Rio de Janeiro au Bresil ki selèb nan le mond. En ben kote Santeria a pase?
Tout tilititi sa yo (kondi granmoun yo di) pou mwen montre nou vodou se yon kilti ki rich e ki ouvri anpil potansyalite (malerezman nou manke eksplwate). Se domaj nou menm Ayisyen , anpil nan nou pa wè sa ou byen meprize kilti sa a. Mwen pale ak kèk zanmi karibéen. Franchman gen kèk ki anvye nou paske nou gen yon kilti ki pèmèt nou pale de idantite nou.
suite: Vodou Patrimwan
- 2) Kilti atsitik ki soti nan VODOU Jose Vieira 26/10/2002