Syèl, Lanfè ak lòt listwakont

[ Kesyon Moun Mande Anpil ]

Jafrikayiti afiche mesaj sa, jou 10 Jwen 2002 a 11:55:41:

Onè kanmarad,

Mwen konprann jan Guy espantan lè li wè Jonas ekri ke Pap la admèt ke syèl ak lanfè pa egziste kòm espas fizik tout bon vre. Epoutan, se yon enfòmasyon ki deyò depi lontan.

Mèzalò, mwenmenm tou se, jis nan tan, epi sou entènèt la ke mwen aprann ke misye te fè deklarasyon sa a (depi nan ane 1999).

Sa montre nou kijan (nèg) yo pran anpil prekosyon pou koze sa a pa rive nan twòp zòrèy, twò vit. Paske yo konnen yo gen gwo entèrè pou yo defann ak itilizasyon malatyong «syèl kont lanfè» a.

Poudayè, mesye pwotestan yo menm pa vle tande bagay sa a ditou. Nèg yo di kareman, yo pa pare pou yo pèdi bon jan lapèrèz ke «lanfè» reprezante pou limanite. Sa se yon pyon ki twò enpòtan daprè yomenm.

Men yon lougal nan sa mwen ranmase pou nou sou sijè a...

Sa se yon pati nan deklarasyon Pap Jean Paul II te fè a:

"In the context of liberation we know that Heaven, or the happiness in which we will find ourselves, is neither an abstraction nor a physical place in the clouds, but a personal relation in holy activity and a meeting with the Father, made possible by the resurrected Christ, thanks to communion with the Holy Spirit. With his death and resurrection, Jesus Christ has in fact opened Heaven to us and associates those who believed in Him and remained faithful to his will in his celestial glory,"

Alewè tout tèks la nan:
http://www.stjo-milton.org/current/lastthings.htm#HEAVEN IS OUR ULTIMATE END


Sa ou tande a, mesye Pwotestan yo koumanse rele anmwey, nan kisa Pap la sòti pou li mete nou la a:

«Pope John Paul II's teaching on the reality of heaven and hell are inconsistent with Scripture, said R. Albert Mohler Jr., president of Southern Baptist Theological Seminary in Louisville, Ky., in a Religion News Service commentary Aug. 9. In a recent address, the pope "denied heaven and hell were physical places and seemed to reverse nearly 2,000 years of Christian teaching," Mohler wrote in an article titled, "Should we lose the fear of Hell? Pope redefines the doctrine."

Alewè atik sa a okonplè nan

http://www.pastornet.net.au/jmm/aasi/aasi0214.htm


Mezanmi, sa pou nou konprann sèke moun k ap dirije antrepriz Krisyanis lan onivo mondyal pa kwè nan doktrin ke yo ap itilize a pou kenbe pouvwa yo. Men, yo kwè nan nesesite pou yo kenbe pouvwa yo fin genyen gras a doktrin nan. Kidonk, se pa nan bouch Ayisyen, Afriken, desandan Aztèk, Enka ak lòt pèp Ameriklatin...ke ou pral tande gwo diskisyon konsa ap fèt osijè ekzistans yon espas fizik ki rele lanfè. Diskisyon sa yo se bagay pou entèlektyèl blan pale nan inivèsite Vatican pandan y ap griyen dan sou do plizyè milya Afriken, Meksiken, Salvadoryen k ap madebat anba kwatyòkò epi depanse tout ti avwa yo nan lakèt, nan achte bouji, nan achtre Bib (pawòl Bondye), nan prepare yo pou ale viv lavi etènèl nan syèl ap gade mechan k ap boule nan lanfè pou tout tan gen tan.

Pandanstan, nan menm inivèsite Vatican, Loma Linda (California), Anfrans, elatriye, mèt konseptè relijyon Krisyanis lan yomenm ap ranje ti pakèt yo, fè lenesesè pou yo monte navèt espasyal al fè ladesant sou planèt Mars, Lalin elatriye...paske yo konnen se sèl chans yo pou yo kite latè anvan yo fin pete fyèl tout sa ki ladan li. Zafè ki regade egare ki rete atè ap woule chaplèt nan lespwa yo pral ba yo woulib gratis ti cheri...

Mwenmenm mwen prevwa, sa nou wè la a se twokèt la, chay la dèyè. Men si pa gonngout deklarasyon sa yo pral fèt...jiskaske yon jou va rive epi dènye Pap la va fè yon dènye deklarasyon pou tout moun sou latè tande. Misye va di:

«Anverite, anverite, Bondye di m di ou, si ou pa gen soukoup volant ou ti gason, ou pap f on pa kita, on pa nago»

Jafrikayiti
«Kakaje pa linèt»




Repons sou sijè sa: