Bouli afiche mesaj sa, jou 11 Septanm 2002 a 01:25:15:
Onz Septanm fE-m sonje Esperansia, ti bebe ki te fEt nan mitan zak teworis sou kongregasyon legliz Sen Jean-Bosco an 11 septanm 1988. Mwen konsidere doktE-a, ki malgre chanson zam otomatik yo, te rive sove lavi ti inosan an you vrE ewo. Esperasia gen onzan jodi-a; Manman-l gen onzan tou depi-l mouri anba kout kouto VSN ak Lame okipasyon ki te barikade pot legliz lan, simen gazolin, mete dife simen bal sou legliz lan. Mwen sonje tout moun ki te mouri boule anndan legliz lan e sila yo ki te sOti an vi men soufri domaj fizik ak mantal. Silans medya ak kominote entEnasyonal lan sou zak sa-a sEvi konplis pou teworis yo. Se menm silans sa-a ki antrene jenosid Rwanda-a. Depi onz septanm ane pase rive jodi-an medya ak Oganizasyon entEnasyonal yo konfime tout moun pa moun. Men tout moun gen onz septanm yo.Bouli