Sosyete ayisyèn lan ak zafè pinisyon pou timoun nou yo

[ Kesyon Moun Mande Anpil ]

An repons a: Sosyete ayisyèn lan ak zafè pinisyon pou timoun nou yo Serge te ekri a,

Jack S. afiche mesaj sa, jou 19 Septanm 2002 a 10:41:51:

Kanmerad Serge,
Pawol-ou sou sije difisil sa-a tonbe sou zorey-m kle tankou dlo kokoye! Mwen paran de bon tinedje-yo mwen-menm, e malgre yon ti kale deye-yo detanzantan yo tounen bon jen granmoun jounen jodi-a ki ap reyisi nan lavi-yo e ki renmen-nou tou! Belme-m konn travay nan lekol le li konn we anpil timoun malelve peze fe menm jan betiz jan ou dekri-nou, yo pa respe ni granmoun ni pwofese ni direk lekol ni pwop paran-yo, e PI ANKO, move mes osnan betiz ke yap fe anpeche bon elev-yo pou aprann paske pwofese-yo two okipe ak move konpotman elev frekan-yo pou fe vre djob-yo, sa vle di, ensenye elev-yo! Elev frekan sa-yo konnen byen ke pwofese-yo pa gendwa pini-yo, ti pini-yo ke lalwa pemet pwofese-yo ba-yo pa mele elev frekan-yo paditout! Malerezman move konpotman sa-a pa mele anpil paran-yo nonplis. Fouti timoun frekan sa-yo yon ti kale deye ta sevi anpil pou ameyore move konpotman pa-yo, vreman! Mo pinisyon vle di yon bagay dezagreyab ki rive-nou le nou fe betiz, yon pinisyon ki pa dezagreyab pa yon vre pinisyon! Kofre, fwete, teke, souke yon timoun se zak abi, men wi. Ankontre, yon ti kale ak men-an sou deye pa blese ni domaje, donk li pa abi selon opinyon-mwen. Alamenmfwa, le konpotman ti timoun bon, yo gendwa resevwa rekonpans tou! Rekonpans pou bon konpotman ansanm ak pinisyon pou move mes sevi pou fe timoun- yo tounen bon sitwayen responsab le li granmoun yo-menm. Bon manman pa janm mode timoun-li nan zo, se vre, men bon manman pinga timoun-li pa timoun frekan tou!
Kanmerad HUM! genyen razon tou. Kisa ki pi move, yon ti kale deye pou evite yon konpotman danjere oubyen kite yon timoun jwe ak yon poto elektrik ki kap voye-li nan peyi san chapo!?! Literalman, timoun frekan grandi anvan Bawon, kom ekzanmp kanmerad HUM! montre-nou! Paran ki renmen timoun pa-yo renmen we-yo tounen bon granmoun ki reyisi nan lavi, ki respe lot moun, ki onet, ki ede lot moun nan tchoumboum, elt. Pou akompli sa-a fok paran-yo rekonpanse bon konpotman tankou pini move konpotman tou.
Nan menm lekol kote belme-m konn travay genyen anpil elev ki soti peyi Lamerik Laten e Karibik,e laplipa elev ki soti peyi sa-yo bon elev ki renmen aprann, ki trete pwofese e lot granmoun-yo ak respe paske yo te aprann depi titimoun bon konpotman lakay-yo, se elev ozetazini ki frekan paske pesonn gendwa pini-yo, e elev sa-yo konnen ke lalwa entedit tout pinisyon-yo! Selon opinyon-mwen, pa pini timoun frekan-yo epi kite-yo tounen granmoun voryen konstitye pi gran abi posib! Aba abi, men aba sosyete ki pemet timoun-yo fe tout betiz jan yo renmen tou!

Repons sou sijè sa: