Remèd lakay

[ Kesyon Moun Mande Anpil ]

Guy S. Antoine afiche mesaj sa, jou 12 Mas 2002 a 22:33:47:

Sa gen yon semèn, mwen te poze kesyon sa yo k ap suiv la. Mwen twouve yon grenn repons nan men Milou, ki di m ke li menm li kwè nan te sitron pou tout maladi li soufri. Mèsi Milou! MEN MWEN PA VLE KWÈ SE YON SÈL REPONS MWEN TWOUVE SOU FOWÒM LAN POU YON SIJÈ KI RICH KONSA NAN KOULÈ LOKAL LI!!! Mwen blije repete kesyon yo ankò oka nou t ap dòmi. Si mwen pa kab twouve plis repons, m ap aksepte sa fwa sa san fè okenn bri, men m ap tou konnen nan pwen fowòm ayisyen ankò. Eske se vre ke se sèl bagay politik Ayisyen kapab pale nan jounen jodiya??? Mwen panse sa ta va yon gwo lapenn [Pito m bliye sa, Se two gran lapenn, Ka depi jou la, De pye mwen nan chenn. Pito n bliye sa...]

Mezanmi,

Mwen ta renmen nou pataje kèk konesans nou genyen sou zafè konprès, dite, rafrechi, ak lòt izaj espès vejetal ann Ayiti nan sèvis lasante.

Noumenm pèsonèlman, ki sa dite sitron, po zorany, fèy mango, kachiman, kowosòl, elatriye fè pou nou?

Ki remèd moun lakay nou fè plis konfyans?

Ki remèd moun lakay nou rete kanpe sou yo?

Ki pwodui lakay nou renmen genyen sou rezèv nan le ka nou nan bezwen, paske remèd blan pako fin kodyòm?

Ki izaj nou fè ak pomad, esans, ou byen pwodui tankou "Menthe de RICQLÈS" pou soulaje nenpòt ki enkonfò nou ta resanti?

Ki remèd nou pran pou lafyèv, pou sezisman, pou konstipasyon, pou dyare, pou vant fè mal (ni vant fè mal fanm, ni vant fè mal gason), pou tansyon, pou sik (dyabèt), pou pwostat, elatriye...?

Ki resèt sekrè nou genyen pyès doktè sou latè pako konnen, e si yo te konnen yo ta vin achte resèt la nan men nou?

Mesyedam, mwen poze anpil kesyon la. Nou te mèt pran yo agoch, adwat, nan mitan ou nan rabòday. Jwèt pou nou.


Repons sou sijè sa: