An repons a: Preparasyon militè Dominiken pou anvayi Ayiti avèk konkou Konvèjans Demokratik Legba te ekri a,
Gifrants afiche mesaj sa, jou 10 Janvye 2001 a 17:48:52:
Onè, rèspè, LegbaGen yon ti pwovèb ki di "Lè yon nonm pa konn danse-w pa antre nan won." Mwen pa politisyen, mwen pa ka antre nan won. men nan jefò nèg ap fè pou kontribye yon ti bagay pou Ayiti, andikap vini tout kote, men sitou dikote sèten eleman ki pa janm gen dèyè pou yo chita.
Si gen yon moun ki swadizan "pwogresis ou kominis ou gochis" ki tèrorize moun adwat e agòch nan mouvman politik "pwogresis" nan dènye 20 a 25 an sa yo, se Ben Dupuy. Fòmil "Kòkòt a kamiyò" ou fòmil "chyen ak chat" atoudewòl se yon jwèt Ben Dipui jwe byen.
Mwen rèspèkte dwa M'sye-a pa di sa li vle, men tanpri souple, lè li gen ti jwèt li l-ap jwe, e ke li vle "youz" lòt moun pou li regle zafè-li, fè li sonje ke ti kondisyon ki pap koute li anyen pou li obsève, si se zafè moun l-ap itilize. Fowòm-lan se yon fowòm kreyòl li ye. Mwen pap jan atann-mwen li menm pote atansyon-a sa, pase mwen wè-li an aksyon deja. Si se pa fòt-li pou ti erè-sa, ke moun nan ki konsène-a pran tout san fwa-li tradui kominike-a an kreyòl.
Si nèg yo anvayi Ayiti, mwen konte sou Ben Dipuy kòm gwo konbatan fawouch pou fè larezistans, e sa te ka mye menm, si se pa ak djòl-li sèlman li defann Ayiti ak pèp Ayisyen. Petèt si M'sye te retounen avèk Aristid lè koudeta-a an 91, lè li te Ambasade nan LONI, Aristid ni pèp Ayisyen pa ta pase tout mizè-sa. Kèl gwo konbatan e kèl gwo patryòt!