yon powèm kreyòl

[ Kesyon Moun Mande Anpil ]

An repons a: yon powèm kreyòl edner Saint-Amour te ekri a,

Guy S. Antoine afiche mesaj sa, jou 23 Janvye 2001 a 07:20:29:

Edner,

Premyèman, mennen tèks ou a nan monitè w la, ou te mèt itilize nenpòt ki program ou abitye avè l pou ou kapab edite tèks la.

Dezyèmman, clike yon grenn fwa nenpòt ki kote andedan tèks la.

Twazyèmman, gade anlè fenèt la (osnon ekran an) nèt, ou va wè yon opsyon yo rele "Edit". Clik sou li, epi chwazi "Select All". Ou gen pou wè tout tèks powèm lan vin chanje koulè. Si se pa sa, rekòmanse. Fòk koulè tèks ou vle travèse a oubyen koulè nan fon li chita sou li a, chanje yon lòt koulè.

Katryèmman, clik sou edit ankò, epi chwazi "Copy".

Senkyèmman, kounyè a, bliye zafè powèm nan yon ti moman, annik louvri Fowòm Ayisyen an nòmalman menm jan ou toujou fè. Epi kòmanse prosesis pou ou ekri yon mesaj tou nèf.

Sizyèmman, ale nan gran kare ki rele "Tèks mesaj la", epi clik sourit ou ladann.

Setyèmman, retounen anlè nan koe ou wè "Edit" la, clik sou li.

Uityèmman, chwazi "Paste", in fwa ou fè sa fòk ou ta wè tèks powèm ou a andedan gran kare kote ou konnen pou ou ekri tout mesaj nèf.

Nevyèmman, gade tèks la byen pou ou detèmine si ou dako avèk aparans li. Si ou pa dakò, ranje li. Kòm se yon powèm ou vle pataje avèk nou, mwen panse aparans liy yo enpòtan. Pase alaliy chak fwa ou vle kòmanse yon lòt liy, san w pa kreye yon liy blanch anvan li. Ajoute yon liy blanch sèlman lò ou anvi fòme yon lòt paragraf. Apadesa, pa konsène ou ak longè liy yo pa rapò a lajè kare a.

Dizyèmman, lò ou satisfè ak tèks la, ranpli tout lòt bagay ou gen pou ranpli yo, prensipalman Prenon ak Non ou, epi Afiche Mesaj ou a. Ou konnen kòman pou w fè sa deja.

Mwen panse se yon PC ou genyen, se pa yon Mcintosh, epi mwen panse ou itilize "Windows" kòm "operating system" ou, nan tout enstriksyon mwen voye pou ou la. Si sa mwen te panse a pa kòrèk, fè nou konnen, lò sa a nenpòt ki maton sou fowòm nan kapab ede ou tou.

Alalit.

Repons sou sijè sa: