An repons a: Chacha ye cha? milou te ekri a,
jafrikayiti afiche mesaj sa, jou 17 Fevriye 2001 a 14:36:27:
Onè kanmarad,Mwen kontan dèske Guy ak milou fè kòmantè enpòtan sa yo osijan kalite langaj nou dwe itilize nan fowòm nan.
se vre politik Ayiti lage anpil pasyon nan lespri nou. Men, se vre tou, pwoblèm pa rezoud nan rele aba depi A rive jouk nan Z, ni nan joure.
Ojis, pou ki nou pa pran kèk aspè espesifik nan pwogram politik gouvènman Aristide la epi gade ki fòs yo, ki feblès yo. Konsa tou nou kapab gade anviwonman politik la epi pozisyon gouvènman an pran epi fè analiz/kritik tèt frèt sou yo.Lepoukwa?
Paske yon alemye nan kondisyon lavi pèp Ayisyen se sa nou tout di nou vle. E alemye sa a sètoblije enplike gouvènman Aristide la. Kidonk, mwen dakò ak Milou, se pa mawonaj pou nou fè ap depanse enèji nan joure youn lòt. Se sèvo nou pou nou fè travay pou wè, si sete noumenm ki te gen responsablite mennen destine pèp Ayisyen nan moman aktyèl la kisa nou ta fè, poukisa epi kòman.
Yon denye kesyon: Guy, pa gen pèsonn nan ekip Lavalas la kili fowòm sa a osnon lòt fowòm Ayisyen? Kouman fè mwen pa janm tande bri yo. Poutan mwen remake yo sou lis anglofòn Corbett la.
Jaf
- Chacha ye cha? douma 18/2/2001
- Chacha ye cha? Gifrants 19/2/2001
- Chacha ye cha? douma 18/2/2001