Yon ti nòt pou Jack, pou Gifrants, ak tout patisipan yo

[ Kesyon Moun Mande Anpil ]

An repons a: Yon ti nòt pou Jack, pou Gifrants, ak tout patisipan yo Jafrikayiti te ekri a,

Gifrants afiche mesaj sa, jou 01 Mas 2001 a 17:34:19:

Jaf, frè an-we,

ABC Konbatan twò di pou-w. Mwen si e sèten-w se pitit Desalin, se pa vre? Ki sipò sitiyasyon Ayiti-a mande?

Natirèlman, li pi fasil lontan pou yon moun kouri dèyè moun tout moun ap kouri. Men kòm pwovèb la di se "avèg k-ap gide avèg". Jiskaprezan, tout tò nou ban mwen nan Fowòm lan soti dèske mwen pa dakò alabaz ak tout mouvman Lavalas-la. Depi sou non li, depi jan li fòmè e jan li pa pwogrese vrèman non sèlman vè yon mouvman de konsyantizasyon reyèl de pèp Ayisyen, ki ka okazyone oubyen yon konsansis ak tout fòs anndan peyi Dayiti, oubyen si konsansis sa pa posib, yon rapòdefòs ke mwen vle èspere ka delivre pèp Ayisyen, men ankò li kontinye men penpenp ki genyen nan zafè klik opouvwa. Yè, se te Divalye, jodya se Lavalas. Ki lè sèk visye sa a fini?

Sityasyon Ayiti a pa mande pou yon patryòt konsyan sipòte sa k-ap pase la, li mande pou kèsyone li, e mande sitou pou aji ankonsekans. Nou konnen trèbyen san m-ap di la. Dayè, pa gen yon moun an Ayiti, amwens ke se yon opozan ki koni ki ka pale an Ayiti jan m-ap pale la sou Fowòm lan paske "kouran an ap pote li ale." Si nou ki deyò revòlte konsa, ke di anndan peyi Dayiti. Nou dwe mande nou pou ki gen klima sa ki pa vle yon moun kèsyone sa k-ap pase an Ayiti? Ki sa Lavalas la pè reyèlman? Paske si Lavalas kanpe pou li fè dibyen pou pèp Ayisyen, e pèp Ayisyen wè sa klè jan li te wè byen klè okòmansan, w-kwè se konsa patryòt konsekan ka pale? Kote politik transparans lan? Kote demokrasi a?

Pa panse ditou ke se yon plezi pou wen ke m-ap li jan mwen tounen yon pwen nwa sou Fowòm lan. Men kòm m-ap repete ankò, sa k-ap pase la pa yès ditou, e fòmasyon politik mwen, e konsyantizayon politik mwen, e patryotism pa pèmèt mwen sipòte Lavalas. Mwen pa yon nonm gouvènman, mwen se yon nonm peyi. Osito gen yon gouvènman chita sou sivi li nan eta peyi Dayiti ye la, se peyi Dayiti ak pèp Ayisyen ki soufri, e se yo sèlman. Sa ki gen chans pran egzil, toujou pran egzil avèk milyon nan pòch yo, e Ayiti sonbre pi plis.




Repons sou sijè sa: