Edner Saint-Amour afiche mesaj sa, jou 04 Mas 2001 a 10:47:47:

Lè yon moun plante li toujou dèyè fè bon rekòl pwodiksyon. Pou li rive la, fè li chwazi grenn mayi
li prale plante. Grenn ki gate kanni pap pouse boujonnen, yo pa bon pou plante; men yo genyen
lòt bagay yo kapab fè ki enpòtan. Se grenn mayi ki bon ki sen yo li dwe plante, se yo menm kap boujonnen grandi fè zepi.
Mwen di sa san pyès resèv. Paske ezperyans mwen nan group jèn depi lontan penmèt konstate
yon se bon kalite, se sa ki bon lakay moun ki fè yon òganizasyon mache. Chak moun sou latè genyen
Defo febles kay moun divize moun, pa pemèt genyen inite. Defo febles fè yonn ekate lòt
yon pa vle wè lòt. Se sa ki bon lakay moun ki ini moun, ki rasanble moun. Se avèk fòs kapasite moun
yo konstri, yo pwodui, yo òganize. Defo feblès kay moun se grenn mayi gate kanni. Fòs kapasite
se grenn mayi ki prale fè pwodiksyon miltipliye.
Sa se tifilozofi pa mwen nan lavi, zafè defofeblès moun pa enterese mwen. Se fòs kapasite moun
ki enterese mwen paske lè kapasite pa li rankontre ak kapasite pa mwen depi genyen antant
genyen anpil mèvèy nou kapab fè. Fè ezperyans lan, wap rasanble menm lènmi jire, denpi
ou ale chèchè yon antant sou sa ki bon lakay yo pou fonksyone yonn ak lòt. Si yo lènmi jire
se paske yonn chita sou feblès lòt la tout sa ki pa bon lakay li. Mwen di li san resèv kapasite
moun se li ki konstri, se pa feblès moun ki konstri.
Lè ou kwè nan bon kote moun, kapasite moun ni pa w tou, sa se sous de jan de pè
1) Pè materyel: ou devolpe kapasite w pran vi w nan men, ou pap mande lacharite, lòt
moun pa kapab vini kritike w paske ou vin kritike w, vin chifonen do w.
2) Pè enteryè: ou chache sa ki lakay moun, sa ki pa bon lakay li pa enterese w. Ou
pa nan medizans sou li, kritike li pale li mal. Ou pa fè moun anyen, ou pa janm pè anyen.
Nan zafè pè enteryè, sa se boul pik mwen plis mwen pa konnen nan konesans mwen, mwen
genyen menm yon enmi. Lè mwen genyen yon ti chire pit avèk zanmi mwen, se paske
genyen yon ti pwoblèm. Atitid mwen depi genyen yon pwoblèm, fè genyen solisyon. Antouka
sa mache nan ezperyans pa mwen, mwen rete kwè ladan li. Bon kote lakay moun se bon grenn
mayi se li kape pouse, se avèk li yo rasanble, òganize.
Genyen moun ki pap vlè kwè nan sa paske yo konstate devan je yo genyen anpil moun kap
viv nan divizyon, tripotay yonn choute sou lòt. Mwen rekonèt sa ekziste tou. Men pou mwen
menm dapre jan mesye nèg syans sosyal la rele li se yon patoloji, se yon maladi. Moun pa sipoze
adapte nan maladi patoloji kap divize moun, yon grwoup moun fè li vin pi fèb. Denpi yon moun
malad se remèd li chache pou genyen gerizon dechouke maladi ya nan san li. Mwen menm
kwè nan gerizon lasante, mwen pa kwè nan adapte nan maladi.

POUVANSEDOUV
Mwen pa ekri pou kraze divize
fè peyi fè bak annryè degrengole
desann nan barank mizè rele anmwe
pran kwuiy nan men mande lacharite

Mwen se ekriven powèt ki kwè
nan mouvman siksè avèk pwogrè
mwen fè rim fè vè mwen ekri
pou fè pye lavi grandi fleri

Pou moun pran renn lavi nan men
yon fason pou gen meyè landemen
pou moun mache kote soley klere
mache san frapepye ni lesefrape

Mwen ekri pou kole rasanble
tout vye moso lavi ki kase
pou tout moso vin fè yon sèl
pou lavi sa ka vin sa pi bèl

Mwen ekri fè vè pou ôganize
bagay ki divize kraze brize,
kole bay yon lôt direksyon
yon fason pou yo vin pi bon

Mwen ekri fè vè fè pwezi
pou gen chanjman nan lavi
soti nan tandans goumen dramatik
pou tabli nan yon tandans konstritif

Soti nan tandans krazebrize goumen
tabli kote pye pwogrè boujonnen
pou viv nan lavalas linyon fè lafôs
Pou Ayiti vin gen fôs ki rele fôs

premye fevriye 2001

---

Repons sou sijè sa:

• Yon ti mesaj pou Ednè ak tout moun ki ekri nan fowòm nan Editè Fowòm nan 05/3/2001

---