An repons a: "Peyi d Ayiti", "Ann Ayiti": Se pa ere` Michel DeGraff te ekri a,
Gifrants afiche mesaj sa, jou 09 Mas 2001 a 19:21:24:
Mon Chè De Graff,Sa fè-m anpil plezi ke-m wè w-ap mete lè pwen sou lè zi sou sèten kesyon.
Kòm-w konnen nèg ap fè anpil jefò pou kenbe menm yon seri de mo ke anpil moun pa itilize ankò an kreyòl. Nan tèks mizik mwen yo, mwen jwenn kèk konplent ke dè bagay mwen di, moun pa konprann. Yonn nan bagay mwen ka renmen mande-w, se si-w ekri "bòd mè" pouki sa pou evite petèt yon pi gwo diskisyon yon moun pa ka ekri "peyid Ayiti?"
Mwen pèsonèlman, mwen pa kwè ke kreyòl ka sipoze yon lang de devlopman pou peyi "Dayiti", men si se yon bagay anwo ap deside fè nou ka jwenn yon kosansis nan mitan lengwis ke-m kwè ki mete tout nanm yo ak tout kò yo pou mete kreyòl la kòrèk.
Lòt kesyon tou, mwen pa ka renmen poze-w, pwiske Ayiti pa reyèlman nan yon stad de devlopman, li sibi anpil fenomenn akilirasyon an, ki "lang" n-ap absòbe pou kreyòl la? èske se anglè? èske se fransè?
Eske n-ap pwal di "kommpitè" pou "computer?"
Oubyen n-ap pwal di "òdinatè" pou "ordinateur?"
Ki "common ground" nou ka jwenn sou la kesyon? paske mwen konnen ke faktè afèkte menn desizyon politik kote entelèktyèl ki fòme an Ewòp boude entelèktyèl ki fòme an Amerik?Mwen kwè tou si diskisyon sa yo bon, konsekans yo ka reyèlman negatif, si nou pa rive a yon konsansis pou nou tout dakò kòman n-ap ekri kreyòl la, e "devlope" li, si nou ka pèmèt di sa.
Mwen kontan tande-w anpil. Tchenbe la.
- "Peyi d Ayiti", "Ann Ayiti": Se pa ere` degraff@mit.edu 10/3/2001