Pou zanmi Kreyolis yo

[ Kesyon Moun Mande Anpil ]

Gifrants afiche mesaj sa, jou 11 Mas 2001 a 10:28:03:

Pou zanmi kreyolis yo,

Yonn nan bagay mwen twouve “patetik”, pandan ke n-ap fè diskisyon achane nan rechèch, nan èkpliske òtograf kreyòl la, nan zafè “sentaks”, “korelasyon” ki egziste avèk franse, kreyolis gen lè pa remake gwo “gap” ki genyen nan konèsans yo menm nan pale kreyòl la antre yon moun ki pase lekòl avèk yon peyizan.

Itilizasyon mo tankou “patetik”, “sentaks”, “korelasyon”, “gap” ke mwen jis fè la ka kite yon peyizan nan fè nwa nan pwòp lang manman li ak papa li ke nou tou konn pale, men ke nou pale a diferan nivo.

Si gen edikasyon an kreyòl, kòman yon edikatè ka èksplike konsèp mo sa yo?
Se yon kesyon m-ap voye e ba Vedrine, e ba Michel.

Eske nou dakò ke kreyòl la ka sipoze twa fòm d ekspresyon
1) Fòm yo pale li
2) Fòm yo ekri li kouramman
3) Fòm literè li

Mwen ensiste sou twazyèm fòm lan paske mwen pa kwè nou dwe pedi travay Franketyenn, travay Maurice Sixto nou dwe tradui, travay Sito Cave, e travay yon Koralen tou.

Deba a ka fè yon ti devye tou piti pou nou abòde aplikasyon lang kreyòl nan edikasyon pèp Ayisyen si “ d aprè” sa mwen yè, lang sa ka soti lang de devlopman peyi Ayiti.

Mèsi d avans pou repons nou. (“Zafè “d” sa parèt senp men se yon èskandal sa ye. Se pa de jèfò m-ap fè la pou m kontwole òtograf mwen.)


Repons sou sijè sa: