Kreyo`l senplifye ak "liaison [illusion?] obligatoire"

[ Kesyon Moun Mande Anpil ]

An repons a: Kreyo`l senplifye ak "liaison [illusion?] obligatoire" Michel DeGraff te ekri a,

Gifrants afiche mesaj sa, jou 11 Mas 2001 a 17:14:05:

Zanmi kanmarad Michel,

W-ap èskize wen sou la kesyon paske mwen pa lengwis. Men mwen kwè li trè enpòtan pou mwen fè entèvansyon sa.

Mwen pa kwè zafè Kreyòl dwe chita sou moun ki gen plis konèsans pase yon lòt nan lengwistik, ou ankò sou moun ki ka gen plis otorite pou detèmine jan kreyòl la ka sipoze ekri oubyen pale.

Mwen pa finn dakò avèk pasaj kote Iv Dejean di ke fòk moun kritike, e pou yon moun kritike jan li fè sa sonnen fè se bagay negatif moun sa dwe di. Sa raple tou yon eleman ki kanpe devan mwen, ki di mwen ke CD mwen an "Serenade by Gifrants" se yon bon travay, ke Ayisyen poko pare pou yon travay konsa. Lè mwen di Msye ke li nan pozisyon pou fè moun yo apresye sa, Msye te ri ban mwen, pou te di mwen tou senpleman ke "Nul n'est prophète dans son pays".

Mwen konnen trè byen se pa mwen ki ka ba w leson nan zafè kritike, men li ka bon pou genyen yon demakasyon nan kritik ki ka parèt negatif sèlman.
Tantativ k-ap fèt pou Kreyòl la, mwen pa konnen yo tout, men mwen kwè ke li trè empòtan toutotan ke pa genyen movèz fwa, ke yon moun apresye jefò yon lòt kanmarad af fè sou zafè sa paske se yon batay ki di anpil. Divizyon ki ka fèt sou baz otorite e konèsans sèlman ap toujou mete nou nan menm penpenp lan toujou.

Syans se syans se vre, li pa gen manti ladan. Men fòk nou twouve yon mwayen pou zafè syantifik yo pale san pa genyen eklabousman.

M'ap suiv deba sa avèk anpil apresyasyon, e mwen kwè anpil moun nan Fowòn lan tou. An nou kenbe diskisyon an nan yon nivo tout moun ka pi alèz fè yon lougal nan sa.

Repons sou sijè sa: