An repons a: Pou zanmi Kreyolis yo Gifrants te ekri a,
Serge Bellegarde afiche mesaj sa, jou 11 Mas 2001 a 21:35:28:
Depi de twa jou map swiv diskisyon kap fèt sou Kreyòl ak anpil enterè, paske se konsa lang nan ap kapab devlope pi plis. Mwen konsidere ke lè gen de kesyon konsa ki parèt nan ekriti lang, se poul li debouche sou yon sèl rezilta: li fè moun fè plis jefò pou aprann ekri Kreyòl la byen. Men, gen yon bagay ki fè mwen pa santi mwen twò alèz.
Krey]ol la se yon lang ki nan plen devlòpman toujou. Chak diskisyon ki fèt sou kesyon an sèvi pou anrichi lang paske tout moun aprann yon bagay an plis. Kididonk, lè map li kouman Michel DeGraf ap ekri Emmanuel Vedrine pou di li li pa dakò sou yon pwen, mwen panse ke li ka di sa yon jan san li pa blije di ke Vedrine ap ekri "betiz", ousman ap di "tenten". Mwen kwè diskisyon an ta pi pwodiktif si nou taka montre plis respè youn pou lòt lè nap diskite. Ni DeGraf, ni Vedrine gen de agiman byen djanm pou defann sa yo panse e nou tout lektè yo kapab pwofite de sa. Kididonk, an nou kontinye diskite alawonbadè, men, jan yo di nan lang franse a: "un peu de civilité quand même".
Pou nou retounen sou koze Kreyòl la, Gifrants mete sou tab yon kesyon ki byen enteresan. Fòk nou pa bay tèt nou manti. Nou menm kal lekòl, nou itilize yon seri mo ke peyizan ki pa janm gen chans nou, ka pa konnen. Lè moun Pòtoprens al de kote tankou Okap, ousman Jeremi, gen de mo li pap janm tande lakay li. E jan Gifrants di, gen de peyizan ki ka rete nan "fè nwa" lè lap tande yon mounm "save" ap pale Kreyòl. Lè sa, eske li pwal di se tenten nap pale? Ousman nou pa konn pale Kreyòl? Gen anpil gwo travay ki fèt nan entandadizasyon lang lan. Mwen ta renmen mande Espesyalis yo: nan ki pwen nou ye? Eske nan diksyonè Kreyòl yo, yo endike nan tèl kote, se mo sa yo itilize ki vle di tèl bagay?
- Pou zanmi Kreyolis yo Michel DeGraff 12/3/2001