An repons a: Pou zanmi Kreyolis yo Serge Bellegarde te ekri a,
Michel DeGraff afiche mesaj sa, jou 12 Mas 2001 a 13:02:04:
Mwen byen apresye konse`y Gifrants ak Bellegarde yo.Men gen yon bagay enpo`tan tou. Fo`k nou ka fe` be`l diskisyon san nou pa bezwen kache de`ye` "civilite" ipokrit. Mwen renmem di bagay yo kle`, jan mwen we` yo. Si mwen we` ere`, mwen di "ere`". Si mwen we` kontradiksyon, mwen di "kontradiksyon". Si mwen we` betiz, mwen di "betiz". Si mwen we` gwo betiz, mwen di "gwo betiz". Si mwen we` tenten, mwen di "tenten"...
Kounyen an, si se mwen ki nan ere` (oubyen nan gwo betiz), m espere m ap jwenn yon ko`le`g entelijan k ap ka di m: "Michel monche`, ou fe` gwo betiz nan koze sa a". Mwen ta espere tou ko`le`g sa a ap kapab montre m (ak bon jan agiman solid) pou ki sa li di mwen nan ere` (oubyen gwo betiz). Se konsa mwen renmen boule le` m ap fe` reche`ch oubyen le` m ap fe` nenpo`t ki diskisyon. Sa se stil pa m. Li pa oblije stil lo`t moun. Men se yon grenn te`t la mwen genyen. Mwen poko vle chanje l.
Nan diskisyon sou "ann Ayiti" ak "peyi d Ayiti", Vedrine te ko`manse diskisyon an ak deklarasyon sa a: Iv Dejan ak lo`t lengwis nan ere` le` yo ekri "peyi d Ayiti" ak "ann Ayiti". Men Vedrine pa montre pou ki sa li kwe` yo nan ere`. Sa mwen fe`, mwen montre se Vedrine ki non se`lman nan ere`, men li nan "gwo betiz". Deklarsyon Vedrine yo pa gen okenn sans selon lengwistik. Le` Vedrine ap fe` reklam pou "grame` kreyo`l Vedrine", fo`k nou reyalize "grame` kreyo`l Vedrine" se pa "grame` kreyo`l Ayisyen". E jouk kounyen an Vedrine poko reponn sou sa---sou zafe` "ann Ayiti" ak "peyi d Ayiti". Si lo`t moun panse pawo`l Vedrine yo se PA "gwo betiz", mwen ta renmen tande agiman pa yo. Si mwen ta we` se mwen-menm ki nan "gwo betiz", m ap ka rekone`t sa kle`. Se yon syantis mwen ye, m eseye pa antre nan demagoji sou zafe` lengwistik kreyo`l.
Ban m agiman solid, ban m bon jan done. Se konsa n a fe` lasyan vanse sou kreyo`l. Tout lo`t koze se "betiz".
Si mwen ta rive manke "civilite", eskize m, wi.
Men si nou ka fe` lengwistik kreyo`l la vanse, mwen pa bezwen mande pe`sonn padon.
______________ ______________
MIT Linguistics & Philosophy
77 Massachusetts Ave
Cambridge MA 02139-4307
degraff@MIT.EDU
____________________________