Ki wo`l yon lengwis syantifik?

[ Kesyon Moun Mande Anpil ]

Michel DeGraff afiche mesaj sa, jou 14 Mas 2001 a 14:02:17:

Jafrikayity mande:

> Michel De Graff, e`ske lengwis Ayisyen yo pa gen
> yon w`ol kle yo dwe jwe nan etablisman grame`
> kredib, estab (plizoumwen) pou lang Kreyo`l la?

Se moun k ap se`vi ak lang lan ko`m lang mate`ne`l
yo k ap etabli grame` lang lan. Wo`l mwen ko`m
lengwis syantifik se eseye konprann fe`nom`en lang
lan jan yo egzite pami moun ki pale lang lan.
Wo`l mwen ko`m lengwis syantifik, se pa etabli
grame` lang lan (ni "grame` senplifye", ni grame`
ak "liaison obligatoire", ni "Grame` Kreyo`l
DeGraff". Travay mwen ko`m syantifik se dekri ak
analize grame` lang lan jan li egziste nan lang
Ayisyen pale tout bon.

Se konsan tou SYANS boule: Lasyans pa etabli ki
jan bagay yo DWE fe`t. Sa lasyans fe` se eseye
konprann ak analize ki jan bagay yo fe`t TOUT BON.

Nikola Andre te pale de sa--- m ap repete: "Nikola
Andre te pale DE sa"---nan mesaj li a ki nan:

/bbs/messages/1296.html

Iv Dejan te pale sou sa tou nan yon konferans li
tey bay ane pase nan Monreyal (28 okto`b 2000).

Kanta kestyon Jafrikayiti a sou "grame` estab" la,
pa gen okenn lang sou la te` ki gen "grame`
estab". Tout glang gen varyasyon, tout lang gen
chanjman. Se pou sa moun k ap pale Angle jodi a
pa pale menm jan ak Shakespeare. Se pou sa moun k
ap pale franse jodi a, pa pale l menm jan ak
Corneille.

Yves Dejean te fe` yon ti pale sou sa tou nan:

http://www.creoletrans.com/faq.htm

Oke?

___________________________
MIT Linguistics & Philosophy
77 Massachusetts Ave
Cambridge MA 02139-4307
degraff@MIT.EDU
____________________________


Repons sou sijè sa: