Yon ti eklèsisman souple!

[ Kesyon Moun Mande Anpil ]

An repons a: Yon ti eklèsisman souple! Gifrants te ekri a,

Michel DeGraff afiche mesaj sa, jou 14 Mas 2001 a 22:40:34:


E`ske pou nou ekri

1. _ann angle_
2. _an n angle_
3. _an nangle_

Nikola Andre bay yon bon esplikasyon sou sa nan

/bbs/messages/1323.html

ak nan

/bbs/messages/1296.html


Mwen te rale sou sa tou nan:

/bbs/messages/1272.html
/bbs/messages/1278.html
/bbs/messages/1279.html
/bbs/messages/1294.html

Ban m bay yon ti rezime:

Men yon lo`t egzanp ki montre nou kle` pa gen
"liaison obligatoire" an kreyo`l:

4. "Yon ansyen ayisyen te nan avyon an"

Ki jan ou pwononse non ki nan fraz 4 sa a?

E`ske w di:

* nansyen,
* nayisyen,
* navyon.

Non, nou pa di sa menm nan okenn kreyo`l aysiyen
pale.

Sa montre nou fonoloji kreyo`l se pa menm ak
fonoloji franse. Se la nou ka we` ke se sa
Ayisyen di ki pou montre nou re`g grame` kreyo`l.
Se pa lengwis ki pou "etabli" oubyen kreye grame`
sa. Sa lengwis eseye fe` se _analize_ grame` a.

Sa vle di fraz 4 la montre ke nou pa ka se`vi ak
yon re`g "liaison obligatoire" pou nou predi ki
le` fo`k nou pwononse yon konso`n nazal "n" devan
yon mo ki ko`manse ak yon vwaye`l.

Kounyen sa pou fe` ak kestyon 1-3 an wo a:

2 (_an n angle_) pa bon: nou pa gen yon mo "n"

3 (_an nangle_) pa bon: si fo`k nou ta ekri "an
nangle", fo`k _chak_ mo nan lang lan ki ko`manse
ak yon vwaye`l (gen _anpil_ mo konsa), chak mo
sa yo ta oblije gen yon varyant o`tografik ki
ko`manse ak "n":

avyon / navyon
ayisyen / nayisyen
eta / neta
etsetera

Sa pa ekonomik menm menm.

1 (_ann angle_) bon: Si nou konsidere "ann" kankou
yon varyant "an", nou se`lman gen 2 varyant
_an_/_ann_ san nou pa bezwen vini ak yon pake`t
lo`t varyant pou yon dal ak yon pake`t mo ki
ko`manse ak yon vwaye`l.

Oke?

Ban m raple nou ke tout kestyon sa yo deja jwenn
repons nan be`l travay Iv Dejan te fe` sou te`z
doktora li ekri depi an 1977. Se yon te`z ki te
ekri pou diplo`m doktora ki te so`ti nan Inive`sit
Indiana.

-michel.

____________________________
MIT Linguistics & Philosophy
77 Massachusetts Ave
Cambridge MA 02139-4307
degraff@MIT.EDU
_____________________________


Repons sou sijè sa: