Yon ti eklèsisman souple! (2)

[ Kesyon Moun Mande Anpil ]

An repons a: Yon ti eklèsisman souple! Michel DeGraff te ekri a,

Gifrants afiche mesaj sa, jou 15 Mas 2001 a 20:11:38:

Zanmi Kreyolis yo,

Mwen remèsye tout zanmi ki pote ti eklèsisman pou mwe nan zafè "ann". M-ap di tou mwen dakò yon ti kras avèk zafè "varyant" De Graff pale a. Men sepandan, mwen genyen yon ti rezèv toupiti.

"Ann angle" pa sonnen twò byen pou jan li ekri a. Mwen kwè la, nou dwe ba Franketyenn yon gwo kredi nan lide konpoze anpil mo fè yonn èspesyalman pou jan nou di yo an kreyòl ou pou jan nou pale tou. "Annangle" fè plis sans pou jan li ekri e pou jan nou di li. Ekri lèt sa annangle, an franse, annitalyen, annalman, an kreyòl.

Règ la ka va depi "an" anploye devan yon mo ki kòmanse pa yon vwayèl, "an" tounen "ann" e fè yon sèl mo avèk mo sa, konsa nou pa trayi pwononsyasyon mo sa menm nan lekriti.

Annangle, yo gen yon règ prèske similè --depi yon wwayèl antre 2 konsònn, dezyèm konsònn nan double nan yon vèb o pase konpoze-get, got, gotten or rid, rid, ridden, write, wrote, written.

Nou pa dwe chita sèlman nan senplifye kreyòl la. Lang lan merite e dwe gen ti sofistikasyon e mo sa yo dwe dè mo "èstandadize" pouki fè kreyòl la tou yon "ar"? yon "l a"? yon "la"?

Men yon ti "pòzòl" pou kreyolis yo ankò. Ki sa nou dwe di
1) yon "a"? (art)
2) yon "l a"? (l'art)
3) yon "ar"? (art)

Fowòm lan gen yon gwo wòl nan istwa e avni kreyòl la. M-ap pwofite voyen yon gwo kout chapo pou Guy Antoine, tout moun k-ap ba M'sye kout men, e tout patisipan nan Fowòm lan.


Repons sou sijè sa: