Yon ti eklèsisman souple! (2)

[ Kesyon Moun Mande Anpil ]

An repons a: Yon ti eklèsisman souple! (2) Gifrants te ekri a,

Michel DeGraff afiche mesaj sa, jou 15 Mas 2001 a 21:27:35:

Gifrans di:

> "Annangle" fe` plis sans pou jan li ekri e pou
> jan nou di li.

Men pwoble`m lan. Pwoble`m sa a chita sou youn
nan pi gwo prensip o`tograf kreyo`l la. Prensip
sa a ta vle pou o`tograf kreyo`l la eseye chita
sou striki mo`folojik ak fonolojik lang lan.

Sonje: Mo`foloji se re`g grame` ki gen rapo` ak
fo`masyon mo nan yon lang. Fonoloji se re`g
grame` ki gen rapo` ak ki jan lang lan pwononse.
Fonoloji se pa fonetik. Gen anpil bri nou fe` ak
bouch nou le` n ap pale ki pa rante nan fonoloji.

_annangle_ Gifrants lan pa respekte prensip
poto-mitan sa a. Men sa k fe` sa:

Selon prensip o`tograf mo`fo-fonolojik kreyo`l la,
nou pa ta vle foure _an(n)_ ak _angle_ nan yon
grenn `mo' _annangle_. O`tograf la eseye mete
espas pou separe mo ki endependan kankou _an(n)_
ak _angle_.

Prensip sa a valab nan lo`t sitiyasyon tou.

E`ske nou ta vle ekri:

_sak pase?_ pou _sa k pase?_
_kotel rete_ pou _kote l rete?_
_male_ pou _m ale_

Epi e`ske fo`k nou ta ekri

_ki moun kale?_ pou _ki moun k ale?_
_kote lale?_ pou _kote l ale_?
_dim ale!_ pou _di m ale!_

Nou we` ti mo kankou "k", "l" ak "m" ka pwononse
ko`m si yo fe` pati mo ki agoch oubyen ki adwat
yo. Anpil nan ka sa yo te jwenn be`l analiz nan
travay Jean-Robert Cadely te fe` nan travay te`z
doktora li.

Nan ka sa yo tou, nou gen mo ki pwononse ko`m si
yo antre nan yon lo`t mo. Men an reyalite se mo
separe yo ye. E ko`m mo sa yo se mo separe, fo`k
nou ekri yo separe.

Se pou sa prensip mo`fofonolojik kreyo`l la mande
pou nou ekri:

_sa k pase?_
_kote l rete?_
_m ale_
_ki moun k ale?_
_kote l ale_?
_di m ale!_

Menm prensip sa a mande pou nou ekri:

_ann angle_

-michel.
____________________________
MIT Linguistics & Philosophy
77 Massachusetts Ave
Cambridge MA 02139-4307
degraff@MIT.EDU
____________________________


Repons sou sijè sa: