An repons a: Ekri kreyòl fasil | Kreyòl ekri fasil Emmanuel Vedrine te ekri a,
Emmanuel Vedrine afiche mesaj sa, jou 16 Mas 2001 a 18:19:14:
Ekri kreyòl fasil | Kreyòl ekri fasil
[Pati II] - Ekzèsis:
Tradui an anglè.1. "Aksyondegras" se yon fèt anpil Ameriken fete.
2. Anpil elèv Ayiti renmen mwa jen; se lè sa a yo gen vakans ete.
3. Fanfan bay Sègo yon koutpye.
4. Fè yon ti chita annatandan konpè Dyekiswa vini.
5. Gen 12 mwa nan yon ane. Mwa fevriye, se li k pi kout.
6. Gen 4 sezon nan yon ane: prentan, ete, otòn ak ivè.
7. Gen anpil van an otòn.
8. Gen kote Ayiti mango fè kenken nan mwa out.
9. Gen kote Ayiti moun met chanday an ivè.
10. Janèt bay Mona yon koutlang.
11. Jozafa se yon chachèdkont; li pete kabal ak moun pou anyen.
12. Lè m gen tan lib m a fè yon koutje sou liv sa a.
13. Mwa jen se mwa chalè.
14. Mwa me se mwa lapli.
15. Peyi Ayiti granmoun tèt li.
16. Rolan frape Jojo ak koudbra l.
17. Sesil ap degaje l toujou Bodmè annatandan l jwenn yon pi bon dyòb.
18. Sèj di yon bann pawòl kwochi.
19. Ti Malis pase chwal la yon kout zepon; li voltije bwèz la.
20. Vini m pale w yon moman!
(E. W. Vedrine)