Yon ti eklèsisman souple! (2)

[ Kesyon Moun Mande Anpil ]

An repons a: Yon ti eklèsisman souple! (2) Michel DeGraff te ekri a,

Gifrants afiche mesaj sa, jou 16 Mas 2001 a 20:53:36:

Michel,

Mwen pa gen pwoblèm avèk "an n ale oubyen ann ale". Règ la ke mwen mansyone konsènan double "n"
nan "an" valab pou tout mo, eksèpte vèb.

Annavan! Aryennafè! Nou pa di Ann + avan, nou di "annavan". Jan blan an ka wè li, gen dwa bon men li ka gen eksèpsyon. E se pwoblèm mwen sa avèk anpil entelèktyèl Ayisyen ki mache je fèmen sou sa blan an di ou ekri.

Gerald Merceron te di yon fwa ke "Mizik Ayisyen kèsyone lojik mizik oksidantal la". Ti piti ke jesui fè èksperyans sa avèk anpil mizisyen etranje kote yo grate tèt yo sou swit pwogrèsyon ak akò ke mwen itilize nan "vodou jazz" ki pa nan pwojè "Serenade by Gifrants".

Ekzanp ke mwen ka ba-w se ekzanp "Dominant 7th" ki kreye yon tansyon ki mande yon rezolisyon. Mizik Ayisyen pran yon malen plezi sou "Dominant 7th" sa, kreye yon tansyon ki pa janm mande yon rezolisyon.

Mwen pa lengwis,se vre. Mwen pa gen otorite kèsyone sa yon lengwis sètifye ap di. Men annatadan, lang kreyòl la ka genyen kèk patikilarite ki ka mande li gen pwòp lwa li.

An n ale oubyen ann ale (pou an nou ale)--èksplikasyon pou gramè lojik.

"Ann avan" pa kòldyòm. Ke konèsans blan sèlman pa sifi pou nou aksèpte tout bagay. Si bagay pa nou diferan, ebyen ke li diferan. Se pa nou, se pa zafè lòt moun. Fè entelèktyèl Ayisyen gen kouray ak entegrite pou yo kèsyone fòmil blan an olye de akomode fòmil sa yo akimyemye pou rete nan lòd "certification" blan bay.

Mwen pa souzantann oken malveyans, ou byen derèspèktan lè mwen di sa. Mwen genyen anpil rèspè pou travay ke w fè. Mwen senpleman kèsyone yon lwa ki mete lang kreyòl an balan dapre mwen menm.

Si kreyòl la chita sou mòfoloji sèlman, gen lè si m di "lavi ilfofyèl", mwen fè yon fot, petèt mwen ka sipoze di "lavi il fo fyèl". Ki lwa ki reji mo konpoze ki ka egziste an kreyòl?


Repons sou sijè sa: