Yon denye pawo`l anvan m al travay...

[ Kesyon Moun Mande Anpil ]

An repons a: Yon ti eklèsisman souple! (2) Gifrants te ekri a,

Michel DeGraff afiche mesaj sa, jou 16 Mas 2001 a 23:03:53:

Gifrants papa,

Mwen pa fouti kontinye diskisyon san lojik.

Lengwistik se yon syans li ye. Ko`m lengwis,
sa m ap eseye fe` se dekouvri ki jan lang
konksyone. Pa gen nwa, pa gen blan nan sa.
Se`vo nou TOUT sou late` a baze sou MENM prensip
byolojik. Si nou pa dako` sou sa, nou pa menm
bezwen kontinye diskisyon an.

Gen moun ki kwe` depi nou konn pale kreyo`l nou
ka pale lengwistik kreyo`l. Nou tout gen ke`
k ap bat anndan fal nou. E`ske ou se kadyolo`g pou
sa?

Chapo ba pou lengwis-kadyolo`g sa yo!

Zanmi, kounyen an mwen pral kontinye feraye nan
lengwistik. Gen anpil travay mwen ta renmen
fini anvan mwen mouri. Travay sa yo, fo`k yo
pase nan men bon jan kritik anvan yo pibliye.
Donk fo`k mwen fouye fon nan syans lengwistik pou
m ekri yo byen, pou yo byen chita sou prensip
lengwistik ki solid.

Sa se yon prensip lasyans: travay ki bon tout bon
fe`t pou pase nan men bon kritik (kritik ki maton
nan syans lan) anvan yo pibliye. Travay ki pibliye
san kritki sa yo, se travay amate`, travay san
kontwo`l. Se ko`m si nou ta kite yon kadyolo`g
ouvri ke` nou san li pa etidye kadyoloji!

Donk mwen vreman pa gen tan pou m eseye
klarifye demagoji initil. Fo`k m al kraze be`t
mwen.

Men m espere n a gen yon lo`t chans pou nou diskite
nan yon lo`t Fowo`m...

Si Bondye vle...

-michel.

____________________________
MIT Linguistics & Philosophy
77 Massachusetts Ave
Cambridge MA 02139-4307
degraff@MIT.EDU
____________________________




Repons sou sijè sa: