2 kesyon tounèf pou DeGraff

[ Kesyon Moun Mande Anpil ]

An repons a: 2 kesyon tounèf pou DeGraff Emmanuel Vedrine te ekri a,

Hugues St. Fort afiche mesaj sa, jou 17 Mas 2001 a 17:58:06:

Mwen fe'k tonbe sou sit "Windows on Haiti" kote gen yon diskisyon ant Emmanuel Vedrine(EV) ak Michel DeGraff(MD) sou kesyon lengwistik kreyo'l.
Mwen poko li tout mesaj yo, men sa mwen li a : 14 mas 2001 a 14:57:36 te'lman choke mwen, mwen twouve li enpo'tan anpil pou mwen di ke'k mo sou diskisyon sa a.
EV ta vle pase MD lan betiz l'e li di:"DeGraff deklare se yon "syantis" li ye..."
EV, tande: MD se youn lan lengwis lan peyi isit ki pi kalifye ki genyen. Li pa se'lman yon gran lengwis kreyolis, li se yon gran LENGWIS , sa vle di yon savan ki etidye syans lengwistik la, ki metrize li konple'tman, e ki ap devlope yon refleksyon orijinal sou syans lan, lan aplikasyon l ap fe' non se'lman sou lo't lang kretyen vivan pale , men tou sou pwo'p lang mate'ne'l pa li ki se kreyo'l ayisyen.
Anvan ou kesyone val'e syantifik travay MD f'e, tanpri: F'e yon ti ef'o, ale etidye lengwistik. Genyen yon michan syans yo rele LENGWISTIK ki genyen metodoloji pa li, filozofi pa li, teknik rechech pa li; yo anseye syans sa a lan tout gwo inivesite lan peyi isit. Lan Boston kote w ap viv la, chaje ak gwo depatman lengwistik; tanpri, sispann voye monte, sispann f'e demagoji. Si ou bezwen di bagay serye sou lang krey'ol ayisyen, m ta konseye ou al pran yon f'omasyon lengwistik lan yon iniv'esite Boston epi f'e sa tout lengwis ki rele t'et yo lengwis f'e: av'ek metodoloji yo aprann lan, teknik rech'ech yo metrize a, yo al sou teren pou yo obs'eve, analize jan kretyen vivan pale lang yo pale a, lan kominote kote y ap viv la. Jan MD te di ou lan youn lan tit yo mwen te w'e sou "Windows on Haiti", :"Lengwistik pa foutb'ol, pa gen kabre ladan li".
Mwen pa bezwen f'e kont av'e ou pase se pa sa m ap ch'eche. Mwen w'e ou gen anpil en'eji, anpil bon entansyon . Men tanpri, pa mete an dout val'e syantifik travay lengwistik Michel DeGraff ap f'e.

Hugues St.Fort

Repons sou sijè sa: