An repons a: Ann metrize ekriti kreyòl la! Emmanuel Vedrine te ekri a,

Nikola Andre afiche mesaj sa, jou 19 Mas 2001 a 08:36:13:

Men yon ti remak sou lis mo pou ede moun metrize ekriti kreyòl la.

1. Pèsonn pa janm di "ekzèsis". Nou mèt eseye fè egzèsis repete mo sa a. Fòk nou ta pran yon poz apre premye silab la, pou n ta pwononse ek-zèsis. E se akòz son ki vin nan konmansman dezyèm silab la, ki fè sa pa posib. Nan "zè" nou gen yon konsòn sonò ki fè sa enposib pou konsòn ki vin anvan an ta yon konsòn soud.
EGZÈSIS pa gen menm son nan konmansman ak EKSITE.
Se menm bagay pou EGZAMEN ak EKSETERA, se menm jan an tou nou genyen :
EGZIJE, EGZANP, EGZEYATE, eksetera.

2. Si pou n ta ekri kisa, koutlang, koutje, koutpye... (kole), fò n ta ekri kibagay, koutboul, koutmato, koutwòch... (kole tou), paske se menm lide ki gouvène fòm sa yo.

3. Eksetera era.
Mwen kwè sa se pa yon pwoblèm òtograf sa ye, men yon pwoblèm sentaks. E keksyon sentaks, moun pa ka trete sa tankou yon ti bagay piti.

Bòn joune.

Nikola

---

Repons sou sijè sa:

• Ann metrize ekriti kreyòl la! Hugues St.Fort 19/3/2001
  • Ann metrize ekriti kreyòl la! Gifrants 19/3/2001
• Ann metrize ekriti kreyòl la! Emmanuel Vedrine 19/3/2001
  • Ann metrize ekriti kreyòl la! Nikola Andre 19/3/2001
    • Ann metrize ekriti kreyòl la! Emmanuel Vedrine 19/3/2001
      • Ann metrize ekriti kreyòl la! Nikola Andre 19/3/2001
        • Ann metrize ekriti kreyòl la! Michel DeGraff 19/3/2001

---