An repons a: Ann metrize ekriti kreyòl la! Nikola Andre te ekri a,
Serge Bellegarde afiche mesaj sa, jou 20 Mas 2001 a 09:21:33:
Mwen ta renmen voye yon gwo kout chapo pou esplikasyon ak jistifikasyon lengwistik Nikola Andre bay sou òtograf kreyòl la. Yo klè, yo lojik, yo senp. Mwen gen yon ti kesyon mwen ta renmen mande Nikola Andre ki pa gen anyen pou wè ak lengwistik, men ki konekte ak lang nan. Eske li fè kèk rechèch sou diferan zònn nan peyi-a kote kreyòl la gen yon seri patikilarite ladan? Sa mwen vle di, pa egzanp, si ou pran zònn Okap, gen de mo ou pa jwen okenn lòt kote. Ou ka rekonèt aksan moun nan zònn nan san pwoblèm. Nan kontak mwen fè ak moun ki soti nan peyi Brezil, pou mwen, ou tande menm kalite son mizikal nan lang pòtigè Brezil tankou ou tande nan kreyòl Okap. Amoni kiltirèl ant Ayiti ak Brezil, se yon bagay ki toujou enteresan pou mwen dekouvri. Dayè, gen de mo nan lang pòtigè ki pwononse menm jan ak kreyòl nou an e ki vle di menm bagay. Tou sa pou mwen mande Nikola Andre: si li fè rechèch sou sa , kisa li janm jwenn? Kenbe la e map toujou jwen gwo plezi pou mwen li entèvansyon w yo.Serge Bellegarde
- Ann metrize ekriti kreyòl la! Nikola Andre 20/3/2001