An repons a: Yon kesyon Alen Deni poko reponn E.W.Vedrine te ekri a,
Alen Denis afiche mesaj sa, jou 21 Mas 2001 a 15:07:31:
Nou chita rechèch nou sou done genyen. Nan anpil liv ki pale de gwoup son kreyòl mwen pa wè yon bay gwoup kz la kòm yon opsyon. Tankou nan ti liv Iv Dejan ann aprann kreyòl fasil oswa nan Savain: dis pa nan lang ayisyen. Mwen menm al gade ti diksyonè Pelleman lan, men msye tou se egzanp, egzaminen li ekri. Yon ti presizyon, mo eksetera m te ekri a pa te nan gwoup la non, mwen te sèlman sèvi ak li nan sans eksetera, sa vle di gen lòt mo kon sa. Eseye fè yon ti egzèsis tou senp Védrine: pwononse "ekzanp" ak lòt mo nan gwoup "kz" ou yo byen vit. Fenomèn asimilasyon mwen te pale a fè ògàn atikilatwa nou chanje akòz
konsòn sonò li pral vini an. Ki sa ki fè diferans ant G ak K? Sèke fonèm G sonò, fonèm K soud. Si fonèm ki vin apre a fònèm soud la, fòse l li vin sonò tou, trè distenktif la pa egziste ankò. Se pou sa nou jwenn GZ ak KS. Se yon fenomèn nou rankontre ni an franse ni ann angle. Annik gade kèk diksyonè pwonosiyasyon nan lang sa yo osnon transkripsyon fonetik yon mete apre mo yo pou yo ede nou ak pwononsiyasyon yo.
Kounye a kesyon pa m pou ou Védrine se:
Si gwoup GZ a enpòtan kon sa? Ki jan w fè asepte gwoup KZ a pitou. Mwen ta renmen ou ban mwen sous pou sa.
Dezyèm bagay pou ki sa w panse lòt moun tankou Dejan, Savain, Vilsen, Pelman pa janm bay gwoup sa tankou yon varyant?
Sonje: nan lengwistik obsève se kle.Alen Deni
- Mèsi Alen Deni! E.W.Vedrine 21/3/2001