Apa 'syantis kreyòl yo' poko vin ak kòmantè sou *Gramè Kreyòl Vedrine*?

[ Kesyon Moun Mande Anpil ]

An repons a: Apa 'syantis kreyòl yo' poko vin ak kòmantè sou *Gramè Kreyòl Vedrine*? E.W.Vedrine te ekri a,

Padel afiche mesaj sa, jou 25 Mas 2001 a 09:46:41:

Bon, mwen kwè DeGraff te fè sa deja.

Kòmantè DeGraff yo te parèt deja sou Fowòm Ayisyen an ak tit sa yo:

1) "Peyi d Ayiti", "Ann Ayiti": Se pa erè
2) Se "kreyolis" nou ye: Annou pale sou lengwistik kreyòl
3) Kreyòl senplifye ak "liaison [illusion?] obligatoire"
4) Lengwistik pa foutbòl: Pa gen kabre ladan l
5) Kesyon sa yo PA nèf
6) Gòjèt lojik ak "common ground" nan òtograf kreyòl

Nan chak atik sa yo, DeGraff fè kòmantè sou Gramè Kreyòl Vedrine lan. Ki sa Vedrine ap chache toujou?

Anplis, mwen gen yon ti kesyon pou Vedrine. Olye li angaje nan dyalòg avèk nou, li pito pran pòz profèsè Kreyòl li, epi voye nou fè egzèsis, san nou pa te janm enskri nan lekòl li a. Nou gen dwa wè sa, nan atik(?) sa yo li ekri a:

1) Fraz ak "kout-"
2) >>Il ne fo pa rezoud le pwoblèm de ton fwaye pa la vyolans!<<

Nan de nòt sa yo, avèk plizyè lòt ankò ki gen tan pase nan achiv, Vedrine ban nou egzèsis pou nou fè. Li menm mande nou fè tradiksyon fraz soti nan kreyòl pase nan angle san li pa eksplike pou ki sa. Mwen pa kapab fè egzèsis sa yo, paske mwen pa gen Gramè Kreyòl Vedrine lan. Erezman tou, mwen pa t janm enskri nan inivèsite Vedrine lan. Chans pa mwen tou, apre mwen wè ki kalite kritik DeGraff, Hugues St. Fort, Alen Deni, ak Nikola Andre te fè sou teyori Vedrine yo. Mwen kwè an fas potorik lengwis sa yo, Vedrine pèdi kredibilite li, sitou li pa janm chita pou li debat nèg sa yo tout bon vre. Chak fwa nou panse Vedrine te pral prezante agiman lengwistik solid pou li defann lide l yo fas a lengwis sa yo, li kabre epi li voye monte egzèsis pou nou fè pito. Msye dwe konprann se timoun piti nou ye. Alatraka papa!

Chè Pwofesè, panse e repanse atitid ou sou Fowòm Ayisyen an, panse e repanse, panse e repanse...

Se pi bèl bagay ou ta kapab fè pou tèt ou e pou nou tout ki sou Fowòm lan.

Padel Jean-Louis

Repons sou sijè sa: