Yon ti lis madichon!

[ Kesyon Moun Mande Anpil ]

An repons a: Yon ti lis madichon! Guy S. Antoine te ekri a,

Nikola Andre afiche mesaj sa, jou 28 Mas 2001 a 14:34:28:

Monchè Guy,
Analiz ou se bagay serye. M potko janm di ou sa, menm kwè ou merite konpliman an.
Pou mesaj ou voye ban mwen an, ou pale de sa mwen ta renmen ak sa mwen pa ta renmen : men se pa fin koze a nèt. Mwen ka di w gen fason m te konn ekri yon seri pawòl an kreyòl, mwen ta wont kite ou wè yo. Men lè a, m potko adopte sistèm òtograf nouvo a.
Pou "l'ennemi", mo franse, m fè yon ti verifye pwononsiyasyon an, an franse. Se sa k fè mwen te pale de sa. Pwononsiyasyon [lè+n+mi] se pwononsiyasyon "l'ennemi" an franse. Se pou sa m te di kòm mo kreyòl la soti nan mo franse a, e kòm pwononsiyasyon an respekte prensip sistèm son kreyòl la, nou ka pwononse l kon sa tou, ak lòt pwononsiyasyon nou ka jwenn an kreyòl tankou [l+en+n+mi]. Se vre sa pa rezoud pwoblèm moun ki pwononse [lé+n+mi], men m panse nou ka adopte sa ki bay mwens tèt chaje depi nou gen chwa a. Ou di ou pa t jwenn lòt mo ki nan sitiyasyon lennmi, m ap ede w jwenn youn kounye a : mo franse "jaune" se yon lòt. E nan ka sa a, an verite, m pa ka di w anyen. Sof pou nou ta ekri "jòn" an kreyòl, paske gen moun ki di jòn tou. Men mwen k ap pale avè w la, se [j+o+n] m abitye pwononse l. Ou wè se pa renmen pou m pa ta renmen yon pwononsiyasyon. Lè fini, gen kèk prensip nan lis ou rezime a (yon travay ekstwòdinè), mwen te bay opinyon m sou jan nou ka ekri yo deja, tankou lè nou gen ann (an) ak yon mo.
M pwomèt ou m pral tape yon ti tèks sou fason nou ka chape anba kèk nan difikilte ki nan lis ou a. Men genyen tou k ap toujou chita sou yon fason nou tout va jwenn ansanm.
Paske, si pa ta gen divèjans ankò nan fason nou ekri kreyòl la, se t ap pi gwo pa nou fè nan wout pou devlopman peyi a. Tout bèl tèks ki ekri ap jwenn ankourajman tout moun, pou lè pèp nou an alfabetize, pou yo jwenn bon jan materyèl ki ekri nan lang yo konnen, nan tout domèn. E fòk sa fèt, e travay la deja kòmanse ak deba sa yo sou fowòm nan. Konpliman.
Kenbe fèm.

Nikola

Repons sou sijè sa: