Ki lang (natire`l?!?)? Pou ki pe`p? Pou ki devlo`pman? Pou devlo`pman ki moun?

[ Kesyon Moun Mande Anpil ]

An repons a: Ki lang (natire`l?!?)? Pou ki pe`p? Pou ki devlo`pman? Pou devlo`pman ki moun? Serge Bellegarde te ekri a,

Nikola Andre afiche mesaj sa, jou 28 Mas 2001 a 14:56:13:

M ap mete yon ti mo tou piti.
Te gen yon atik ki te parèt nan jounal "Le Nouvelliste" ki te mande pou ki rezon yo anseye filozofi ak kreyòl nan lekòl ann Ayiti. Mwen te reponn otè sa a ki te panse se matyè ki san enpòtans de matyè sa yo ye. Mwen sonje m te ba l rezon e m te di : "Pèsonn pa ta dwe ap aprann lang li kòm matyè nan lekòl. Lekòl ta dwe fèt nan lang li pou l ta ka aprann pi byen."
E se gwo pwoblèm sa a ki genyen nan lekòl nan peyi n. Mwen byen kontan nan domèn kiltirèl tankou nan mizik, atis nou yo konprann sa. Si yon nonm ta vini ak yon mizik kanaval an franse nan epòk kanaval ann Ayiti, li ta mèt bliye afè fè mizik la popilè a. Se yon reyalite, e Michèl te di sa : nou gen yon pèp ki pale kreyòl. E se danje sa a, m kwè nou dwe evite pou nou pa mete twòp mo lòt lang nou konnen nan kreyòl la lè n ap pale l, paske nou pa konn mete mo kreyòl nan angle oswa nan franse lè n ap pale ak etranje ki pale lang sa yo. Nou toujou chèche sa pou n di. Se sa tou pou nou fè lè n ap pale kreyòl, pou n ka evite kèk pwoblèm ki pa t dwe menm egziste nan mitan nou.
Tanpri Bellegarde, m gen yon ti kesyon espesyal pou ou : èske ou ta ka fè yon lis ak tout mo pòtigè ki an rapò ak mo yo di sitou nan zòn Nò peyi a, nan domèn mizik brezilyen yo ?
Sa ta itil anpil pou rechèch.

Mèsi

Repons sou sijè sa: