Ki lang (natire`l?!?)? Pou ki pe`p? Pou ki devlo`pman? Pou devlo`pman ki moun?

[ Kesyon Moun Mande Anpil ]

An repons a: Ki lang (natire`l?!?)? Pou ki pe`p? Pou ki devlo`pman? Pou devlo`pman ki moun? Nikola Andre te ekri a,

Serge Bellegarde afiche mesaj sa, jou 29 Mas 2001 a 23:40:28:

Mon chè Andre,
Eskize mwen mwen pate gen tan reponn ou pi bonè. Pou sa ou mande mwen, ou voye-m al fè anpil rechèch, men paske mwen pa sosyològ, men sa mwen kapab di w. Nan kontak mwen avèk kèk Brezilyen, mwen remake jan yo pale, aksan yo fè-m sonje anpil aksan moun nan Nò. Nan zorey mwen, se preske menm kadans lan. Mwen gen kouzen ki soti nan Okap, ki tale Brezil e ki di mwen li santi alèz menm jan avèk aksan sa. Nan kèk mo mwen jwenn nan lang pòtigè ki vle di menm bagay nan Kreyòl nou an, pa nesesèman Kreyòl Okap sèlman, nou gen: Cachimbo (nan Kreyòl nou ta ekri Kashimbo mwen sipoze). Li vle di pip tou. Nou gen yon lòt mo - e lektè yo ap eskize mwen, se pa betiz map di nan fowòm nan - se: bounda. Li pwononse menm jan, li vle di menm bagay. Yon lòt mo ki ekri preske menm jan, se : cuia (nan Kreyòl: kwi, (yon kwi pou mete manje pa egzanp.) Sans pòtigè a yon ti jan diferan, men li pre anpil ak pa nou an.
Nan domèn mizik la, mwen pa nan kondisyon pou mwen ba w enfòmasyon presi. Sa mwen kapab di w, lè wap tande sanba brezilyen epi ou tande mizik ki soti nan peyi afriken Ginen, ou wè ki kote mizik brezilyen soti e ou ka wè sa tou nan mizik folklorik pa nou. Eske ou janm remake kouman mizisyen ayisyen alèz pou jwe tout kalite estil mizik ou tande nan Kontinan meriken an? kit se salsa, kit se sanba, bossa nova, reggae, tango, merengue elatrye. Yo jwe tout. Al mande yon gwoup salsa pou jwe konpa, ousman pou yon gwoup reggae jwen konpa. Yo pa kapab. Se tankou kilti lakay nou se yon sentèz tout bagay. Men sa se kapab yon lìot diskisyon pou etnomizikològ yo.
Kididonk, mwen byen kwè nan domèn relijyon, wap jwen anpil mo pòtigè ki pòtre Kreyòl nou an, paske kit se Kiba, kit se Ayiti, kit se Brezil, li dwe klè pou tout moun se menm fil la ki konekte youn a lòt.

Salitasyon pou wou.
Serge

Repons sou sijè sa: