An repons a: Bonswa Kanmarad fowom kreyol Hugues Saint-Fort te ekri a,

Michel DeGraff afiche mesaj sa, jou 31 Mas 2001 a 12:43:13:

Agiman Hugues la (pou "annatandan") baze sou de (2)
sipozisyon ki pwoblematik:

1. "Annatandan" se yon fo`m fije (Hugues bay "bat
be`t" ko`m egzanp yon fo`m fije).

2. Nou pa ka foure okenn eleman ant "ann" ak
"atandan".

Annou ko`manse ak 1:

Mwen pa kwe` "ann atandan", "an patan", etsetera,
se fo`m fije yo ye. "Ann atandan" vle di (apepre`):
"While waiting (for)". "An patan" vle di "to start
with". Sans sa yo chita sou semantik "atandan" ak
"patan" --- sans sa yo pa opak menm jan ak "bat
be`t" nan sans "etidye".

Epi tou, annou sipoze _pou_yon_ti_moman_ ke "ann
atandan" se yon fo`m fije menm jan ak "bat be`t"
(ki ka yon fo`m fije tout bon). Si "bat be`t"
ekri an 2 mo (oubyen si "kick the bucket" ekri an 3
mo menm le` li se yon fo`m fije ki gen sans
"mouri" ), pou ki sa pou "ann atandan" ta ekri an
yon grenn mo. Fo`m fije pa oblije fo`me yon grenn
mo.

Men yon lo`t done ki montre nou "ann atandan",
"an patan", etsetera, pa bezwen ekri an yon gr enn
mo. Annou konpare A ak B:

A. ANN Angle / AN Panyo`l
B: ANN Atandan / AN Patan

Sa nou we`? Nou we` _an(n)_ gen egzateman menm
konpo`tman fonolojik nan A ak B: _ann_ le` mo ki
suiv li a ko`manse ak yon vwaye`l ("A"); _an_ le`
mo ki suiv li a ko`manse ak yon konso`n ("P").
Se sa lengwis rele fenome`n "sandi ekste`n"
("external sandhi" ann angle). Fenome`n sandi sa a
aplike ant de (2) mo ki SEPARE: se pou sa yo rele
fenome`n sa a sandi EKSTE`N.

Nou ka se`vi ak fenome`n sa a ko`m te`s
ki endike kote nou gen frontye` ant de (2) mo.
An konklizyon, A ak B montre nou "ann atandan" ak
"an patan" se de (2) mo ki fo`me yo: "an(n) ak yon
lo`t mo, menm jan ak "ann angle" ak "an panyo`l".

Annou pran lo`t agiman Huges la:

2. Nou pa ka foure okenn eleman ant "ann" ak
"atandan".

Men agiman sa a pa oblije fo`se nou ekri "ann atandan"
an yon grenm mo "annatandan".

Annnou konsidere fo`m fije (an majiskil) kankou
"John KICKED THE BUCKET" (ki gen s ans: "Jan mouri").
Nou pa fouti foure okenn eleman nan fo`m fije sa a:
si nou di pa egzanp: "John KICKET THE SAD
BUCKET", nou pe`di sans idyomatik la.

Men sa pa fo`se nou konsidere "kick the bucket"
(nan sans idyomatik li) kankou yon grenn mo.

An tou ka, si nou toujou vle ekri "anntandan" ak
"anpatan", sa pa dwe deranje two`p. O`tograf
sa yo respekte prensip "menm son pou menm le`t".
Men mwen pa kwe` o`tograf sa yo respekte strikti
mo`folojik ak strikti sentaksik lang lan.

OK?

Bon, Kanmarad, m ale. M ap kite Hugues ak lo`t
kreyolis yo ko`mante sou ti detay sa yo. M ap
eseye tounen sou Fowo`m la osito mwen kapab.

Kenbe la!

-michel.
____________________________
MIT Linguistics & Philosophy
77 Massachusetts Ave
Cambridge MA 02139-4307
degraff@MIT.EDU
____________________________

• Michel DeGraff

-->