Mwen gen anpil kesyon pou Gifrants sou koze sa

[ Kesyon Moun Mande Anpil ]

An repons a: Mwen gen anpil kesyon pou Gifrants sou koze sa Guy S. Antoine te ekri a,

Gifrants afiche mesaj sa, jou 31 Mas 2001 a 14:21:40:

Mon chè Guy,

Se yonn nan bagay mwen pi renmen lè m ap diskite avèk yon moun, e pwi nou tou lè de reyalize ke mwen Gifrants, ap pouse bon jan agiman, e pwi konèya, mwen gen yon gwo fado ki tonbe sou do wen, kòm si m a reve, oubyen m ap deraye, oubyen se polemik m ap fè.

Mwen pa lengwis, mwen pa ka polemik ak lengwis. Mwen pa kèsyone aplikasyon syans lengwistik nan lang kreyòl la, eksèpte ke mwen fè santi ke kreyòl la genyen dè patikilarite e modalite ki ka mande petèt ke lengwis yo rèspèkte.

Konsènan "lang de devlopman", se djòb pa nou ki vle itilize "kreyòl" kòm lang de devlopman pou nou konnen kòman n a pwal fè sa. Lang angle a byen èstriktire, tout konesans nan chimi, fizik, na matematik, nan astronomi, nan enèji, tout liv yo byen prepare, biblyotèk atravè lemond.

Debwouye nou ak kreyòl nou pou "devlope" Ayiti. Pran liv lòt moun yo, tradui yo, mete angranman TRADUI PA GRAN KREYOLIS GRANGòJèT, anba liv zòt. Pouki w pa di m, M'sye Guy Antoine, kòman la semans kreyòl dwe fèt,e kòman n ap byen rekòlte?

Konsènan zafè kilti sa, se yon chapit ki long. Se pa de repons mwen gen pou li. Men mwen ka renmen li sa w gen nan djakout pou "kreyòl, bèl lang e gwo lang de devlopman" pèp Ayisyen. Se nou ki vle li, se nou pou mete bon bòz, bon agiman sou wen, pa nan lengwistik non, men nan reyalite peyi a menm.

Ban m yon lòsèy!

Repons sou sijè sa: