Strikti ak o`tograf "fo`m fije"? (Ki sa yon "fo`m fije" ye?)

[ Kesyon Moun Mande Anpil ]


An repons a: Strikti ak o`tograf "fo`m fije"? (Ki sa yon "fo`m fije" ye?) Michel DeGraff te ekri a,

Guy S. Antoine afiche mesaj sa, jou 31 Mas 2001 a 15:05:39:

Michel, mwen pral reprann ekspoze mwen te fè deja yo sou jan mwen panse "ekriti kreyòl" la, men fwa sa mwen vle fè sa sou yon lòt fòm ki kapab pèmèt nou fasilite dyalektik la. Mwen poze ou kesyon sa yo dirèkteman, men mwen envite lòt lengwis yo patisipe nan dyalektik sa tou nan yon fason ki konkrè, senp, e dirèk. Mwen panse tout moun kapab pwofite e ogmante nivo konpreyansyon yo nan bagay sa.

1) Ann angle, yo ekri: "Let US eat" oubyen "Let's eat". An Kreyòl, nou deside ekri: "ANNOU manje".

Suivan konvansyon lang angle a, yo sèvi ak apostwòf pou yo separe de mo "LET US" yo pou yo fòme fòm abrevye expresyon sa, e an menm tan respekte mòfoloji lang angle a ki vle ke "LET" ak "US" se de mo separe yo ye.

Nan Kreyòl la, nou adopte yon lòt konvansyon (mwen pa kwè li obligatwa) ki di an nou itilize makè " " (yon espas vid) olye de tout apostwòf avèk tirè.

Mòfoloji (?) lang kreyòl la di nou ke "an" se yon prepozisyon (ou yon fòm patikilye ki gen yon lòt non) epi "nou" se yon pwonon li ye. Si nou respekte mòfoloji (?) kreyòl la, epi tou nou respekte konvansyon ki ta vle nou itilize "espas vid" la pou nou separe mo yo kòm sa dwa, li fè tout sans pou nou ta ekri "AN NOU".

Si mwen byen konprann agiman lengwistik ou yo ki vle nou dekonpoze sèten mo kòm "sanzatann", "sanzave", elatriye, mwen grate tèt mwen chak fwa mwen wè ou ekri "ANNOU" e menm "ANN" tou, paske mwen kwè tout bon ke dezyèm lèt "n" lan nan "ann" se "nou" li reprezante. Mwen grate tèt mwen, paske nan konsepsyon pa m, li parèt tankou si ou fè agiman sa yo nan yon ka, epi ou pa fè menm agiman an nan yon lòt ka. Sa bay yon sèten aparans ki abitrè. Men petèt se mwen ki pa konprann pawòl la byen.

2) Men dezyèm kesyon an. Si m ap aprann li oubyen pale kreyòl, epi mwen kontre ak gwoup mo sa yo: "sanz atann" ou "saz ave" nan yon liv kèlkonk, epi mwen pa konprann ki sa otè a vle di ojis. Se nòmal pou mwen ouvri diksyonè mwen pou mwen chache mo sa yo: "sanz", "atann", "ave". Se sa nou fè nan tout lòt lang ki gen disyonè sou latè. Eske mwen pral twouve mo sa yo??? E si mwen pa twouve mo sa yo nan diksyonè ki egziste jodiya, eske ou-menm kòm konsiltan lengwistik ou ta konseye grameryen kreyòl yo pou yo kòmanse enkli mo sa yo nan diksyonè yo, epi ki kalite definisyon yo ta fèt pou yo ba yo?

Mon chè, m ap tann repons ou sou de kesyon sa yo tankou tè sèch k ap tann lapli.

Guy S. Antoine





Repons sou sijè sa: