M ap eseye reponn Guy anko`:

[ Kesyon Moun Mande Anpil ]

An repons a: _ann_, _annou_, _sanz atann_, diksyone`, lengwistik ... Guy S. Antoine te ekri a,

degraff@mit.edu afiche mesaj sa, jou 01 Avril 2001 a 18:30:18:

Ko`m mwen se pwofese`, sa toujou banm pwoble`m
si esplikasyon mwen pa kle`.

Men gen yon ti pwoble`m: Guy poze kestyon ki
enteresan, men yo delika tou. E repons mwen yo
delika tou. Pou yo byen chita, yo oblije
baze sou yon seri prensip ki lengwistik (pa
egzanp, ki sa yon `idyo`m' ye, ki sa yon
`prepozisyon' ye, ki sa `mo`foloji' ye,
etsetera). Natire`lman se pa fo`t Guy si li
pa ale`z ak prensip sa yo. Men se pa fo`t mwen
non plis si mwen pa ka fe` yon kou lengwistik
detaye sou Fowo`m la. (Domaj.)

An tou ka, m ap reprann kesyon Guy yo, e
m ap ba yo repons byen senp (sa se yon ti
rezime de`nye repons mwen an):


> Mòfoloji (?) lang kreyòl la di nou ke "an" se yon
> prepozisyon (ou yon fòm patikilye ki gen yon lòt
> non) epi "nou" se yon pwonon li ye. Si nou
> respekte mòfoloji (?) kreyòl la, epi tou nou
> respekte konvansyon ki ta vle nou itilize "espas
> vid" la pou nou separe mo yo kòm sa dwa, li fè
> tout sans pou nou ta ekri "AN NOU".

Analiz Guy a kote "annou" tounen "an nou" pa
ko`re`k: "annou" pa gen prepozisyon "an(n")
ladan li. "annou" (nan "annou chante") se yon
mak enperatif. "ann" (nan "ann chante") se
fo`m kout (se yon alomo`f) "annou". "ann" ko`m
mak enperatif (nan "ann chante") ak "ann" ko`m
prepozisyon (nan "ann Ayiti") se omonim yo ye:
yo gen men son, men yo pa gen menm sans ak menm
mo`fo-sentaks.

> Se nòmal pou mwen ouvri diksyonè mwen pou mwen
> chache mo sa yo: "sanz", "atann", "ave". Se sa nou
> fè nan tout lòt lang ki gen disyonè sou latè. Eske
> mwen pral twouve mo sa yo??? E si mwen pa twouve
> mo sa yo nan diksyonè ki egziste jodiya, eske
> ou-menm kòm konsiltan lengwistik ou ta konseye
> grameryen kreyòl yo pou yo kòmanse enkli mo sa yo
> nan diksyonè yo, epi ki kalite definisyon yo ta
> fèt pou yo ba yo?

Selon rezonnman mwen deja fe` nan de`nye mesaj
mwen yo, fok nou ta jwenn "sanz", "atann" ak
"ave" nan diskyone` ki bon tout bon (jouk
kounyen diksyo ne` kreyo`l yo---ansanm ak lo`t
diskyone` pou lo`t lang gen limitasyon pa yo):

+ "sanz" se yon varyant (yon alomo`f) "san".

+ "atann" se yon ve`b ak yon non


+ "ave" se yon non

Kanmarad kreyolis, Tanpri ban mwen yon ti
kou d men si nou kapab. Mwen si genyen ladan
nou ki ka esplike bagay sa yo pi kle` pase m.

Jan Guy ekri a, mwen

> merite yon ti repo

Men, mwen pa lage ne`t...

-michel.

____________________________
MIT Linguistics & Philosophy
77 Massachusetts Ave
Cambridge MA 02139-4307
degraff@MIT.EDU
____________________________


Repons sou sijè sa: