An repons a: _Ann atandan_, _sideburns_, _cordon-bleu_, o`tograf, mo`foloji, "fo`m fije"... Michel DeGraff te ekri a,
Hugues Saint-Fort afiche mesaj sa, jou 01 Avril 2001 a 20:05:49:
Michel monche',Kite m prese voye mesaj sa a ba ou. Mwen te komanse ekri li an 2 fwa, men mwen te pe'di koneksyon ente'ne't mwen.
Michel, ou raple yon verite fondamantal lan etid lengwistik:otograf anpil lang (tankou angle) gen yon karakte' abitre', e li"pa koresponn ak strikti lang lan". Se vre, mwen dako' ne't ak ou sou pwen sa a. Apati de la, ou konkli ke "sideburns", ak "sidekick" se mo konpoze yo ye.
Mwen pa konnen si gen etid ki fe't pou dete'mine ki estati mo ki simile' ak mo sa yo. Lan ki fason yon moun kapab di "sideburns" ak "sidekick" se mo konpleks yo ye? Eske ou fe'yon diferans ant mo konpoze ak mo fije?
Mo konpoze gen yon estati ki difisil lan lang kretyen vivan pale. Mo konpoze gen menm fonksyon sentaksik avek mo senp, men lan estrikti enten yo, yo fonksyone tankou yon "unite",kwake yo fo'me ave'k plis pase yon sel eleman leksikal, ke sans yo se yon sans ki "transparent" osnon se yon sans ki "opaque". Sa poze yon kontradiksyon. Mwen te pran egzanp mo franse "cordon-bleu",an tan ke egzanp yon fo'm fije, kote genyen yon blok soude "cordon-bleu": adjektif "bleu" a pa jwe wol yon modifieur. nou pa kapab fe okenn transfomasyon ant "cordon" ak "bleu", men nou ta kapab fe menm bagay la tou pou "gwo soulye", tet cho'v", bat bet", "kick the bucket", "geri bosko","gen twou nan manch",...Pou egzanp "ann arivan" ak "an sotan..." ou site yo, avek konparezon ou fe' ant "arivan m"/sotan m" pa rapo' a "dan m"/dan l", li sanble sa ta mache net, men mwen remake tou le de fo'm sa yo, se fo'm ki evoke mouvman le'yo gen pwonon ki suiv yo, mwen pa konnen si nou kapab jwenn fo'm ki pa esprime mouvman ki kapab antre lan konstriksyon sa yo...
M ale ,
Hugues
- Yon ti referans sou etid "mo konpoze", "mo konple`sk", etsetera Michel DeGraff 01/4/2001