Yon ti travay mwen bay kòm ti kado pam

[ Kesyon Moun Mande Anpil ]

Marc Pacôme afiche mesaj sa, jou 20 Avril 2001 a 23:06:57:

TAO TE CHING

PASAJ NO. 3

KOUMAN POU NOU KENBE LA PE

Pa fè lwanj moun entelijan douvan pèp-la
Pou pèsonn pa fè jalouzi.
Pa mete je sou byen ki difisil pou posede
Lè sa pèsonn pap anvi vòlè.
Pa konsantre sou bagay moun ka anvi
Pou lespri yo pa nan konfizyon

Kidonk moun tout bon-an li se yon gid pou lèzòt
Lè li louvri lespri yo,
Lè li ranfòsé andedan yo,
Lè li fè kè yo poze douvan sa yo ka anvi,
Lè li bay karaktè yo jarèt.

Kite moun yo toujou aji san yo pa gen estrateji oswa anvi
Pa kite moun entelijan-an kouri fè zak
Aji san okenn zak pa fèt
Lè saa tout bagay nan lòd


Lao Tzu

Pasaj saa se Lao Tzu, yon Chinwa ki te ekri li gen 2500 lane pase. Li nan mitan 81 lòt pasaj. Mwen pran plezi tradwi yo an kreyol sòti nan yon vèsyon angle R.L. Wing pibliye nan lane 1986. Mwen deja gen yon 40 konsa ki fini. Mwen ta byen kontan si Mesye save yo ki nan MIT avek lòt gwo sant lengwistik yo ta fè yon ti kritik sou travay mwen. Sa ta ankourajem rapouswiv.
Mèsi anpil
Marc Pacôme

Repons sou sijè sa: