An repons a: Lavalas ak Kreyòl Dahoud Andre te ekri jou 09 Novanm 1999 a 00:22:52,
Michel-Ange Hyppolite afiche mesaj sa, jou 09 Novanm 1999 a 10:06:26:
Lè mwen fin li mesaj Dahoud la gen de lide ki pase nan tèt mwen:
1- Ki taktik noumenm kreyolis ki nan militans lan pral mete deyò pou nou fòse kèlkeswa gouvènman ki monte a pran responsablite li devan lanng pèp la daprè atik #5 konstitisyon an epi atik #213 la?
2 - Nou dwe goumen pou tout sa nou kwè daprè konviksyon nou ki kab vin pozitif pou pèp nou an ak peyi nou. Nou kab pale depi jodi jouk rive nan ane 3000 si nou pa mete bon jan estrateji atè pou nou fòse dirijan peyi nou yo pran konsyans nou pap sis .
Mwen pa kwè se youn kesyon ekri lèt senpman. Nou bezwen aksyon konkrè.
Youn premye lide ki pase nan tèt mwen se ekzije tout pati politik, ki ap vin mande nou vòt nou ak lajan pou pati yo a, pou yo montre nou plan yo parapò ak atik 5 epi atik 213 konstitisyon an. Si gen mounn ki gen lòt lide tanpre ekri yo pou nou. Kit nou vle-l kit nou pa vle-l koze lanng se youn koze politik. Nou dwe mennen batay la politikman tou. Li bon pou nou pale, men, kwè-m si nou vle, pa gen pi bèl pawòl pase aksyon.
Tanpri zanmi kreyolis yo poste kèk aksyon sou granchemensavwa a pou nou tranpe je nou, kè nou ak ponyèt nou.
Ak onè respè
Michel-Ange Hyppolite, Ottawa.
Repons sou sijè sa:
- Osijè: Lavalas ak Kreyòl Jafrikayiti 12/11/99