An repons a: Osijè: "American Civil Liberties Union of Florida" nan lang Kreyòl Michel-Ange Hyppolite te ekri jou 28 Novanm 1999 a 16:06:48,
David Méralus afiche mesaj sa, jou 01 Desanm 1999 a 23:10:36:
Olye pou n ta fè moun "American Civil Union" yo konpliman,jan kanmarad la panse l la, pito nou voye yon gwo chapo pou tout ayisyen-ameriken yo ki nan miami k ap deplotonnen estrateji pou chèche yon ti plas bò tab kote ofisyèl yo chita pou pran desisyon pou devlopman ak pwogrè komin yo. Se dapre jefò y ap fè pou mete kominote ayisyen an nan mouvmans politik vil la ki fè jodi a zòt wè nesesite pou bilten yo ekri an kreyòl tou.Depi de ou twa zan konsa eleksyon minisipal,lokal k ap fèt mayami tankou nan tout florid la toujou gen kèk tèt ayisyen-ameriken kòm kandida; Kidonk mobilizasyon te toujou ap fèt pou touche konsyans ayisyen-ameriken yo sou nesesite pou al vote. Konsa politisyen k ap swiv mouvman yo vin wè ayisyen-ameriken yo komanse ap konprann wòl yo nan sosyete a kom sitwayen, yo komanse ap pran fòs nan elektora donk,se tou nòmal pou se kounye a pou yo ap pran desizyon pou fè kè n kontan yon fason lè yo bezwen kèk bilten vòt pou yo k konte sou nou . Sou zafè fòt ki nan dokiman an: Olye pou ayisyen sa a oubyen group ayisyen sa yo ki jwen kontra a ta chèche lot moun pi konpetan bay fè travay la y ap toujou prefere desann pantalon yo ladann sou preteks kreyòl la pa gen yon òtograf ofisyèl yo gen dwa badichonnen moun ak fòt jan yo vle. Antouka sa pa pi mal, gen yon lòt kategori ki te k fè ofisyèl yo kwè se franse tout ayisyen konprann epi yo lage yon tradiksyon mawon nan figi n. Kenbe fèm, nan tèt ansanm n a chanje sa.
- Ki zòn ki pral suiv Miami? Nekita 06/12/99
- Osijè: Osijè: Osijè: "American Civil Liberties Union of Florida" nan lang Kreyòl Michel-Ange Hyppolite 02/12/99