An repons a: Osijè: Osijè: Ekriti non pwòp nan lang Kreyòl Michel-Ange Hyppolite te ekri jou 08 Desanm 1999 a 20:52:08,
David Méralus afiche mesaj sa, jou 11 Desanm 1999 a 14:41:12:
Kanmarad Michel-Ange; nan esè sou pwezi ou di w ap travay sou li a, m panse ekri non moun yo ak karaktè italik sa p ap eskive pwoblem lan. Okontrè, ou pral ajoute konfizyon toujou nan bay eksplikasyon pou kisa ou oblije ekri non yo konsa [ak italik].Nou dwe antann nou sou sa . Nou pa k chanje non moun konsa dapre tout konsekans kiltirèl ak enplikasyon legal sa gen ladann.[Roody fè yon bèl rale sou sa]. Poutan pa gen anyen mal si youn moun vle chanje non li, dayè menm lalwa pèmèt sa. Konsa tou gen moun ki pa asepte moun fè fot nan non yo, kidire pou chanje l nan lide pou obeyi règ fonolojik youn lòt lang. Pa egzanp ameriken an pa p ekri non ou MICHAEL-ANGEL paske se pa konsa ou rele epi se pa konsa li ekri nan batistè w. Kidonk fòk nou fè atansyon nan ekri non moun paske chak non yon moun ke li te Franse, Ayisyen Ameriken , Japonen ou Alman, non moun sa a makonnen ak yon pakèt valè kiltirèl ke nou dwe respekte.
Kenbe fèm kanmarad!
David Méralus
- Osijè: Osijè: Osijè: Osijè: Ekriti non pwòp nan lang Kreyòl Michel-Ange 14/12/99