An repons a: 98% analfabèt ann Ayiti! Pwofèt jozèf te ekri jou 03 Janvye 2000 a 08:16:23,
Serge Bellegarde afiche mesaj sa, jou 05 Janvye 2000 a 14:25:28:
Map voye yon gwo kout chapo pou diksyonè Pwofèt Josèf la pou de rezon prinsipal.
Lang Kreyòl fèk kare devlope e chak fwa gen yon travay konsa ki fèt, se tankou lè wap bati yon kay, etaj pa etaj.
Dezyèm rezon an pèsonèl. Mwen paka tann pou mwen jwenn diksyonè sa paske pou mwen ki travay nan lang, lap vinn yon enstriman enpòtan anpil na travay tradiksyon.
Jan Pwofèt Josèf di "Lasyans di youn moun ki rive maton nan li ak ekri lang manman n gen pi plis chans pou l aprann san traka youn dividal lòt lang." Pa gen anyen ki pi vre ke sa. Gen diferan sektè nan sosyete nou an ki ta dwe pran nòt sa, men gen youn mwen ta renmen wè fè tou sa li kapab poul pratike sa: mizisyen nou yo ki gen pou wòl voye kilti nou monte. Kididonk, yon gwo kout chapo pou Pwofèt Josèf.