An repons a: ou menm, Ayisyen k ap viv Deyò, Jwèt pou ou! Michel-Ange Hyppolite te ekri jou 12 Janvye 2000 a 16:56:10,
David Meralus afiche mesaj sa, jou 15 Janvye 2000 a 22:53:51:
Menm jan ak kanmarad Michel-ange, lide sa a fè m sonje ak VOAM [voye ayiti monte]. Mwen oblije souke tèt mwen lè m vin li pwoposisyon patriyot la sou keksyon ede ayiti a; paske pou kou nou pran nou oblije pa k fè ni Pè ni Mèt konfyans ankò. Nou oblije ap viv an "chatpent". Se sa k fè lide a k sanble l bèl men li pa parèt joli pou anpil nan nou sou fowòm lan.Pou nou ta arive soutni Ayiti nan jan sa a, fòk jaden patriyotis la ta konmanse boujonden bèl flè lanmou nan kè tout ayisyen, konsa nou va sispann panse ak pòch nou sèlman, byennèt peyi a ta vin yon preyokipasyon pou nou tou. An bon franse,nou vledi toutan mantalite "sa pa gade'm", atitid dwètlong, konpòtman granmanjè a, rete lakay nou toujou, lide pou kolekte lajan voye mete nan kès leta ayisyen an ap toujou bay moun lafyèb frison.
Antouka nan jwèt sa a la, mwen pase
- ou menm, Ayisyen k ap viv Deyò, Jwèt pou ou! François-Marie Michel 16/1/2000