Pwofèt Jozèf afiche mesaj sa, jou 25 Janvye 2000 a 21:28:19:


Ann kore Biblyotèk Dekouvèt nan kanpay finansman-ni depi 25 janvye pou rive 25 mas 2000

Biblyotèk Dekouvèt chita kò'l nan Route de Jacquet Toto #19, nan Petyonvil. linogirasyon ni te fèt nan jou ki te 15 jiyè 1999 devan youn latriye direktè ak elèv lekòl ki te vinn kriye lakontantman pou reyalizasyon pwojè sa-a nan kominote Jakè-Petyonvil-Delma.

Biblyotèk Dekouvèt bay youn sèvis kominotè pou tout timoun lekòl ak tout lòt sitwayen k ap bouske lakonesans. Biblyotèk-la ede anpil jenn fiy ak jenn gason fè devwa-yo kòmsadwa apre lekòl. Li louvri pòt-li depi lendi pou rive samdi nan 8è 30 pou rive 5è. Li gen antou 12,000 liv ak dokiman ak 2 anplwaye. Nou prevwa tire louvèti Biblyotèk-la jouka 8è nan aswè akonte septanm 2000. Orè-a ap repati konsa:
8è-13è : frekantasyon gwoup-lekòl
13è-20è: frekantasyon grenn mounn

Pou nou kenbe Biblyotèk-la djanm nou fikse ranmase 80,000 goud pou lane fiskal 2000-2001. Biblyotèk-la pa gen finansman okenn òganizasyon ak gouvènman. Se sakrifis Ayisyen konsekan ki blayi pwojè sa-a.

EDIKASYON SE ZAM LAMIZÈ AK LINYORANS. BAY PITI PA CHICH. VOYE SA'W KAPAB BAY
Bibliothèque Découverte de Pétion-Ville
Route de Jacquet Toto # 19, B.P. 16204, Pétion-Ville, Haïti, W. I.
Osnon kontakte Pwofèt Jozèf: joseph1@moncourrier.com

---

Repons sou sijè sa:

---