ASTREL MATHIEU afiche mesaj sa, jou 02 Fevriye 2000 a 06:00:33:
Sepa jodi na-p tande bel dyagnostik sou s-ak mete peyi Ayiti kote li ye-a. Nou tout ap pale pagen yon grin-n nan nou ki vle chita pou tande ak kolabore ak yon lot. Le ou mande pouki? Jan di li paka chita ak Jak, Jak li men-m di li pa nan zafe Jozef paske yo pa gen men-m tandans politik, yo pa gen men-m ideologi, papa-l se ansyen kriminel, se lavalas. Tout sa yo se bagay mazet. A mwens ke yon nom-m ap viv nan rev, ou konin pa-p janm-m gen yon sosyete kote tout moun ki gen fos-yo panse menm jan. (M-di moun ki gen fos paske na-p pale nan sans gwoup ka-p difini yon strikti byen osinon mal).Men sa pa vle di ke yo paka travay ansanm. Nan yon peyi ki si an reta, m-twouve-l pa fe ankin-n sans le yon Ayisyen refise rekonet talan yon lot Ayisyen parey-li. Paske se pou rezon sa yo planifikasyon, taktik ak strategi, kontrol ak tout lot zouti bon gesyon ekziste. Yon nom gen dwa gen lide ki fe-l plezi, men sa pa vle di ke peyi-a pa bezwen kontribisyon-l. Aloke na-p kouri deye Ayisyen parey nou pou volo, kriminel, ak pa we kle nou ouvri de batan bwa nou pou nou aksepte etranje-a ki pi volo, pi kriminel ak gen de fwa pi pa we kle ke fre nou an.
Pandan tan sa-a, sityasyon peyi-a ap anvlimen.
Wout ap kraze, pa gen ase lekol, te paka pwodi ase mange, moun ap pwan kante, lot pep ap ri nou tout kom-si nou se yon ban-n ridikil.
M-ta renmin di se pa moun ki fet pou sevi ideology, men se pito ideology ki fet pou sevi moun. Se nou ki fe ideology, ki donk nou ta sipoze itilize-l tou otan li kapa-b sevi nou. Le li paka sevi nou anko, nou sipoze change-l, repare-l osinon abandone-l. Epi tou gen sa yo rele mach-a-swiv nan tout bagay. Yon timoun pa an-nik soti nan vant manman-l epi-l pete kouri ak tonbe fe diskou. Li pwan yon ti tan pou-l fe tout bagay sa yo. E se sa Dokte nan politik reyel ke nou rele Toussen Louveti te konpwan ak pwatike kite banou endepandans.
Nou paka ap sakrifye tout yon pep ak generasyon ka-p vini yo paske nou pata rinmim komet ankin-n peche ideologik. Peche sa yo pa ekziste.
M-ap gade yon seri de Ayisyen jen-n tankou vye, jen-n neg tankou Jafrikdayiti, neg tankou Latoti ak yon latrye lot Ayisyen ki gen anpil experyans ak bon diplom nan men yo ki ka-p sevi peyi-a, si nou pa apran-n apwesye-yo pou efo yo fe-a ak chita tande yo ak travay ansan-m ave yo, apran-n nan men yo, donk se pa ankin-n moun ki kenbe nou nan malsite se pwop egoyis ak mank respe pou fre nou yo.
Mezanmi, m-ta renmen di ke Ayiti pa osi mal ke anpil moun panse-a non. Pep Ayisyen se yon pep ki gen anpil kouraj, sa ki manke se:
1) yon lide ki ka bwase kouraj tout gwoup ansanm,
2) yon klas Biznisman-n ki konpwan tout otan yo pemet lajan sikile se tout otan yo ogmante kapasite-yo ak avni pitit-yo,
3) Yon elit intelektyel, politik ak ekonomik ki konpwan realite peyi-a.
Chapo ba pou Aysyen gen ase konesans teknik-yo ak bob visyon ki ouvri moyen pou-n kominike tankou Haiticonnection, WindowsonHaiti, ak Haiti Global Village, ak latrye. Bravo vye fre-m yo.
Pou fini m-ta renmen di yon bagay ki pa yon nouvel pou anpil moun: Ayiti se yon ti peyi, li chage ak fos nan sa ki we ak nam-m moun, kouraj pou reziste, konsa tou li chage ak febles nan sa ki we ak infwastriti, visyon gouven-man.
Nou paka ignore fos sa yo konsa tou nou paka souzestime febles nou-yo.
Mezanmi male, nawe...
- An fe yon konbit pou sove Ayiti jeandelatibollière 14/10/2000