Metamòfoz : «La Famille La Vallasse» ?

[ Kesyon Moun Mande Anpil ]

An repons a: Metamòfoz : «La Famille La Vallasse» ? Guy Antoine te ekri a,

Frantz Jean afiche mesaj sa, jou 17 Mas 2000 a 05:34:57:

Kanmarad Guy,
Monchè ou pale korèk sou kesyon "la VAllasse" sa. Mwen byen kontan wè ke gen moun kap panse e ki pa kwè nan voye monte. A la bagay fasil se kritike. Se bagay ki pi fasil sou la tè beni pou moun fè. Sepandan kritike san ou pa pote anyen de valab vle di ou fè zewo. Se vre li ta bèl anpil pou liv blan sa ta pibliye nan lang pa nou an sètadi an kreyòl. Men an nou fe you ti reflechi tou piti: Si liv sa te pibliye an kreyòl konbyen nan nou ki te pwal mete kòb deyò pou nou achte'l. Nèg yo gen plis chans vann en pe liv ki ekri an franse ke si li te ekri an kreyòl. Se you mwayen pou yo antre you ti kòb pou yo fè sa yo vle fè nan epòk eleksyon. E pouki pa. Se pou la premyè fwa ke sa fèt nan peyi a dapwe sa mwen konnen.

Kidonk mwen dakò ak lè nou tire zòrey TITID sou kesyon kreyòl la men fòk nou ta fè zefò pou nou konprann rezon ki fè li pibliye nan lang franse avantou. E kòm di kanmarad Guy, fòk nou ta dezabye liv la pou nou wè sa ki ladan'l ki fè sans e kritike'l tèt kale jan nou vle sou baz sa ki gen ladan'l, e PWOPOZE sa ki ta pibon pou peyi-a.

Mèsi,
Frantz

Repons sou sijè sa: