Lang Kreyòl la andanje!

[ Kesyon Moun Mande Anpil ]

An repons a: Lang Kreyòl la andanje! Lionel Hogu te ekri a,

Pwofèt Jozèf afiche mesaj sa, jou 19 Mas 2000 a 14:48:45:

Mesye fò leta reponsablize chak sitwayen e rann yo pwodiktif pou yomenm e pou kolektivite a. Kanta pwofesè ak lòt pwofesyonèl yo, yo fèt pou ta vize dabò. Se pousa mwen apiye pozisyon Michel-Ange la.Se vre kanmarad, Ayiti pa Kanada. Chak peyi gen solisyon pa li. Men Leta pa la senpman pou li bay. Leta la sitou pou mete bonjan règleman ak estrikti sou pye pou kondisyone e gide fonksyònman sitwayen yo epi garanti lapè ak libète tout moun. Lòt wòl Leta a, se pran desizyon pou pwoteje dwa tout moun ak pwoteksyon kolektivite nou an kèlkilanswa opozisyon li ta rankontre.

Nan zafè lang kreyòl la ann Ayiti, se yon kesyon ki konsènen pwoteksyon kilti ak idantite yon pèp. Yon fonksyon legal e lejitim pou moun k ap dirije peyi a genyen. Ayiti pa Kanada, nou p ap ka jere li kou Kanada. Se poutèt sa Leta ayisyen fèt pou mennen bak nasyon an yon mannyè pou rive fè chak sitwayen bay patisipasyon ni lan sovgad ak devlopman kilti ak idantite pèp nou-an. Gen lòt ti mezi dirijan nou yo ta dwe pran prese prese pou garanti lonjevite lang kreyòl-la. Youn nan mezi sila ta dwe touche fonksyonè Leta ayisyen.

Mezi ki konsènen fonksyonè Leta ayisyen ta dwe table sou ti lide sa yo:

1. Kreye yon Biro rapid rapid ki pou evalye konesans tout moun k ap travay pou Leta ayisyen sou zafè ekri lang kreyòl-la.

2. Bay tout fonksyonè ayisyen yon delè 6 mwa pou yo prezante yon Sètifika ateste konesans yo nan ekri kreyòl.

3. Fikse yon dat kote tout dokiman leta kou prive fèt pou kòmanse ekri ankreyòl, sèl lang komen peyi-a.

4. Bay elèv-yo, nan zafè ansèyman lang etranje oswa segond, opòtinite chwazi lang angle osnon franse.

Repons sou sijè sa: