Klod Bernard afiche mesaj sa, jou 11 Avril 2000 a 13:56:21:
Kiyes pitit lakay ka va mete yon pwen final nan tribilasyon pep sila?
An menm tan ki le pitit lakay ap sispann seche resous peyi a?
Kile an verite pou soufrisken pitit lakay yo sispann plen poch san rega pou peyi a?
Kile edikasyon ap gen pye sou inyorans nan lakou lakay?
Kiyes pitit de bon volonte sa a ke delenkan nan lakou lakay va bay yon chans pou chanhjman?
Anpil fwa moun ta panse se sak pa ka manje yo ki grangou
M'pa fin two kwe sa,paske swadizan entelektyel nan lakou lakay kontribye yon nan pi gwo souset pou peyi a.
Sa fe mwen mal an verite
Sa ap rache ke'm pou'm mouri
Chak kou'm we moun chita nan fe patizanri
Chak kou m konstate ke gouvenman sou gouvenman toujou fini pa pati kite peyi ak voum lajan
Sa kreve ke'm anpil kom pitit lakay
Chak kou m we moun pral vote pou plen vant e lot entere pesonel
Sa banm tet fe mal
Chak kou m we kandida pwofite de inyorans pep la pou pwop entere pa yo
pou yo ka bati bel chato, gen bel fanm, envesti lajan yo nan bank andeyo peyi a, anrichi lot peyi
Sa fe dlo kouri nan zye'm, an verite
Chak kou m gade eskanp figi lakou lakay nan televizyon
Sa frape m fo
Chak kou m tande koman moun ap mouri nan lakou a
Chak kou m tande ke pa gen anyen kap regle
Sa ban'm vant kode
Chak kou m sonje yon le lakay te endepandan
Chak kou m gade chire pit, magouy, e jan egoyis ak inyourans fe n rayi lot
M santi m ta rele anmwe
Chak kou m gade jan moun ap mete tet yo nan kan yon moun ou byen yon kandida san konnen pwogram ni e kote l soti
Chak kou m konstate jan moun pasyone pou moun san reflechi
Chak kou m we ke pasyon tounen yon lisans pou kite sa kap fet mak kontinye fet
Sa ban'm vetij
Edikasyon an verite se yon gwo fos
Malerezman pitit nan lakou lakay itilize'l pou satisfe swaf yo
Pou kisa moun refize keksyone kandita e nenpot fonksyone leta sou sa yap fe ki nan liy dwat
Chak kou m'gade Lakou a e realize jan'l tounen yon jeng
Li ban'm tet vire
Chak kou yon moun sot lakay ou mande'l koman sa ye li di jan w tande a bagay yo led
Chak kou w panse bagay yo pa ka vin pi mal, pita w tande li vin pi ke ye
Se yon peyi ke pitit li yo an premye ap fe mache an arye
Tanpri tanpri tanpri pitit lakay ba lakay yon chans
Eseye mete tout kalite grangou deye e mete konsyans nou an avan konsa na ramase diyite n e ambeli imaj nou nan zye tout lot popilasyon sou planet la, malgre se pa sa ki enpotan pou anpil pitit nan lakou a.
Chak kou m gade moun lakay kap sevi sou kote lakay kom esklav
Chak kou m we koze sa pa gen okenn enpotans pou pitit lakay
Sa fe'm fe refleksyon ki banm gwo tet fe mal
Nan yon peyi kote pa gen jistis, ki gen vyolans, ki pa gen edikasyon, kote pitit li yo gen yon sel lide fe pwovizyon pou lot kote
Fok se yon dezas tankou imaj lakay pou'l tounen
Chak kou m' we timoun lakay pa reprezante anyen pou lakay
Chak kou m gade jan jenn lakay pa gen chwa se pou kite lakou a pou lavi miyo
Li fe m konpare'l a yon siklon kap devaste yon lakou
Se dwol pitit lakay chita nan chire pit, vole, fe magouy, patizanri, pwopaje inyorans, pa gen okenn vale moral nan dechepiye,
Tandi ke lot lakou ap okipe anpil bagay pou bone kominote yo, e bel bagay sosyal
Chak kou m gade jan otorite gen lisans pou yo fe sak pa sa
Sa fe'm panse jan foli grande se yon inyorans ki san mezi
Chak kou'm gade jan sistem nan koronpi
Chak kou'm realize altenativ la se pou plen poch e netwaye teren an pou fe chemen blanch pou gwo tanta
Sa kreve ke'm anverite
Kiyes,kiyes, kile NOU a deside pou tout bon pou lone peyi a e pou entere patriotik refe tout bagay pou la pli bel
Bagay yo grav, se yon konklizyon ke tout moun ka tire.Sa fe'm mal an verite, bagay sa a ap tiye'm moun lakay mwen yo.
Non'm se Klod Bernard.