Dahoud Andre afiche mesaj sa, jou 26 Avril 2000 a 00:48:59:

Nòt pou Laprès
Gaye Prese Prese

4/24/00

26 Avril 1963-26 Avril 1986
Malè, pou tout sa ki pèmèt yo bliye!

Chita koze sou krim Divalye ak desandan l yo!

Konbit Vijilans ap envite tout kominote a nan yon Chita Koze n ap òganize pou anivèsè dat 26 Avril. Ayisyen dwe sonje krim rejim Divalye a te fè sou inosan nan Pòtoprens jou ki te 26 Avril 1963 epi krim desandan Divalye yo, Konsèy Nasyonal Gouvènman Jal Namphy a, te fè sou pèp Ayisyen an 26 Avril 1986 devan Fò Dimanch.

Vin Sonje ansanm ak nou:

Samdi 29 Avril, 2000
3pm-8pm
Oditoryòm lekòl PS 399
kwen Rogers Ave. ak Albermarle Rd. nan Brooklyn, NY

Prezantasyon:
Gerald Bloncourt, Komite pou Jije Divalye ki chita nan peyi Lafrans
Patrick Lemoine, ansyen prizonye politik nan Fò Diman epi otè liv ³Fò Dimanch, Fò Lanmò²
Lovinsky Pierre-Antoine, Fondasyon 30 Septanm ki chita ann Ayiti

Nou envite tout viktim ak fanmi viktim krim Divalye ak desandan l yo pou vin pataje memwa yo ak soufrans yo ak kominote a. N ap ankouraje granmoun yo pou mache ak timoun yo pou yo ka byen konprann eritaj fanmi Divalye a kite pou peyi nou. Tout moun ap jwenn chans pou yo patisipe san paspouki epi n ap separe ti soloba pou fini aktivite a.

Si gen machann atizana oswa liv Ayisyen ki vle patisipe gratis nan aktivite sa a, tanpri rele nou nan nimewo 718-835-2695, 718-672-6060, 718-539-5233.

---

Repons sou sijè sa:

---