An repons a: Woumble REKA Lunine Pierre-Jerome te ekri a,
Michel-Ange Hyppolite afiche mesaj sa, jou 26 Avril 2000 a 21:14:18:
Mwen fenk rantre la a tou cho tou bouke mwen plonje nan lakou a epi mwen tonbe sou nòt «Lunine» lan. Mwen konprann tout nivo lide ki nan nòt la epi mwen di Ayibobo!! Ou di nou bezwen plis lenguis, mwen dakò. Sepandan, mwen dwe fè ou remake lenguis nou plis okipe nan ranpli misyon yo anndan inivèsite yo tan pou yo ta ban nou youn ti koutmen . Mounn lenguis yo plis wè pwomosyon yo anndan inivèsite yo afilye a pase tout lòt bagay . Atansyon, pa gen anyen ki mal nan sa .Mentou, pa gen anyen ki mal nonplis si tanzantan yo ta fè youn pase nan lakou a pou yo vin ban nou jarèt epi eklèsi nou enpe lè li nesesè. Nou swete yo va konprann nou epi yo va fè youn ti efò pou yo vin koletèt ak nou.
M'ale
Michel-Ange Hyppolite
- Woumble REKA Edner Monsanto 27/4/2000