An repons a: Metamòfoz : «La Famille La Vallasse» ? François-Marie Michel te ekri a,
Gifrants afiche mesaj sa, jou 27 Avril 2000 a 17:44:14:
Ayibobo! M-ap saloue tout sevite ginen avek tout respe ak one, ke non selman yon kretyen vivan merite, men tou ti Bondje ke nou ye tou. Li te pran-mwen anpil tan mwen, Gifrants, pou mwen pale de sije-sa. Se pa paske non selman, mwen pa li liv "Investir dans l'humain",(e mwen seten fok li genyen bel koze, bel pawol, gwo koze pou neg chita chante, bat bravo e konplimante)men paske,gwo sije-sa son sije politik, e LA MARIN PA
METYE-WE. Sependan, paske mwen gen dwa a opinyon pa-we, e ke sitou premye adaj mistik ke mwen te aprann di, "Si yon nonm-w pa fe anyien pou peyi kote-w soti-a, pou bout te-sa ki mare lonbrit-w, pito-w pate janm fet", mwe santi ke se devwa-we pou mwen pase ba zot ki ka konprann sa mwen yo fe-m konnen nan jefo vye neg ap fe pou rive nan destinasyon-li nan paradi. Pawol kap pwey di-la pa gen ni malis, ni mechanste, ni kakash manba pou glwa, ni van pou vanite, pou vle fe konnen ke-m konnen.
Le zom apran pale pa konsep. Yon moun konsevwa yon imaj, yon panse, pozisyon vetikal kod vocal-li pemet li pale, e se Jako Repet selman pami lot
zannimo ki sou late, ki gen pozisyon vetikal kod vokal-sa ki pemet li di de ti mo tou. Jodya, Lavalas ekri an franse, se premye fwa nan vi-we mwen we-li an franse. Men mwen, mwen konnen lavalas-la nan konsep, li vle di--Yon dlo kap desann, anraje san kontrol,ak tout vites, tankou zantray lanfe,kap begle tankou yon towo matado pike, ki pa respekte ni adwat, ni agoch,ni nan mitan, ni sou kote, ni nan mitan, ni bon, ni mechan, ni inosan, ni koupab,avek yon fomil "Sovkipe, apenn leplijis seron sove." Yon lespri ki projte yon konsep parey, ki pran sous-li kote mwen menm,ak tout Ayisyen sou te Dayiti lonbrit-nou byen makonnen, nou ka boukante lide devan twa pye dife nan "Yon di, yon komprann", "Pase pran-m, m-ap pase rele-w", ka komprann ke Lavalas pa bati, e Lavalas pa sove; okontre, Lavalas detwi, li noye. Sa k-ap pase nan peyi Dayiti jodi-a, reflete egzakteman sa Lavalas vle di. Nan lavi nan tout linive ki egziste anba zel paradi, le gen yon konsep, le gen yon panse yon lespri voye, kelke swa kote lespri-sa ap viv, nan kelkeswa lang konsep-sa, panse-sa egsprime,si konsep-sa, si panse-sa pozitif, Paradi resevwa-li; si li negatif, li retounen vin jwenn Met-li,paske pa gen plas pou li nan Paradi. Yon lespri voye Lavalas monte, anpil lot lespri repete konsep-sa, yo voye-l monte, l-ap retounen vi jwenn tout-moun, e sa se yon tet chaje paske li bay rezilta fomil-la egzakteman :"Sovkipe, apenn lepli jis seron sove."
Refleksyon-sa pa soti nan lespri-we selman, li soti nan ke-wen tou. E kote-m chita-la, nan vye kwen-wen, m-ap soufri tankou tout fre ginen ak daki ki we male ti neg. Doule yon fre ak yon se se doule pa-m tou. Mwen pa pale pou-m konvenk pesonn, men mwen fe devwa-we: "Sa-k vle konprann, ya konprann; sa ki konprann tou, deja konprann e konnen plis pase we." Reyalite lavi nan liv, w-viv li. Chapo ba. Ayibobo!